Prezıdent • 19 Qańtar, 2022

Prezıdent jańa Qazaqstannyń maqsaty týraly aıtty

309 ret kórsetildi

Barlyq kúsh-jigerimiz mıllıondaǵan qazaqstandyqtyń qaýipsizdigi men turmys jaǵdaıynyń sapasyn jaqsartýdy qamtamasyz etýge baǵyttalǵan. Bul týraly QR Prezıdenti Qasym-Jomart Toqaev Twitter-de jazdy, dep habarlaıdy Egemen.kz.

«Biz ulttyq ekonomıkanyń ashyqtyǵyna, kelisim-sharttarǵa qol suǵylmaıtynyna, zııatkerlik menshik quqyǵy saqtalatynyna jáne jemqorlyqpen aıaýsyz kúres jalǵasa beretinine kepildik beremiz», dep jazdy Memleket basshysy.

Sondaı-aq Prezıdent jańa Qazaqstan qurýdyń maqsatyn aıtty.

«Jańa Qazaqstannyń maqsaty – azamattardyń ál-aýqatyn arttyrý, tabys alshaqtyǵyn joıý, jumys oryndaryn ashý jáne ınflıasııany tejeý. Bizdiń barlyq kúsh-jigerimiz mıllıondaǵan qazaqstandyqtyń qaýipsizdigi men turmys jaǵdaıynyń sapasyn jaqsartýdy qamtamasyz etýge baǵyttalǵan. Qazaqstan ekonomıkasy ornyqtylyǵyn kórsetti. Úkimet otandyq, sheteldik ınvestorlar men saýda jónindegi seriktesterimizdiń senimin arttyrý úshin barlyq qajetti sharany qabyldaıdy», dedi Q.Toqaev.

 

Sońǵy jańalyqtar

Uqsas jańalyqtar