Qoǵam • 20 Qańtar, 2022

Áleýmettik jaýapkershilikti sezinetin ýaqyt keldi

72 ret kórsetildi

Prezıdent Qasym-Jomart Toqaevtyń Parlament Májilisindegi sózinde halyq estigisi keletin sózder aıtyldy. Endi nátıjesi halyq qalaǵandaı bolǵany kerek. Bizdiń el áleýmettik memleket ekenin, respýblıkalyq bıýdjettiń 50 paıyzdan astamyn áleýmettik shyǵyndar quraıtynyn jáne onyń jetkiliksiz ekenin estidik.

Halyqtyń ómir súrý sapasyn jaqsartý kerektigi, naqtyraq aıtqanda, naryqtyq ekonomıka dep reıtıng qýalap, jaýapty organ bir álemde, al qoǵam basqa álemde ómir súrip jatqany, halyqtyń nesıe­ge muqtajdyqtarynyń artýy, naryqtaǵy baǵa men jalaqy arasyndaǵy aıyrmashylyqtyń kóptigi, sáıkesinshe bul jaǵdaı eldiń jaǵdaıynyń nasharlaýyna sebep bolyp turǵany habarlandy.

Elimizdegi áleýmettik saıa­sattyń tıimsizdigi, halyqty ju­myspen qamtýdaǵy máse­leler, jumyssyzdyqtyń kóbeıýi, sapaly bilimniń qa­jet­tigi, óńirlerdegi jaǵ­daı­lar, mıgrasııa, shaǵyn já­ne orta bızneske kómek kór­setý, memlekettik organ­dar men halyq arasynda tike­leı tıim­di baılanystyń joq­­tyǵy, áleý­mettik saıasat­ty jańa ba­ǵytta júzege asy­rý qajettigi jáne onyń árbir azamattyń jaǵdaıyna baı­la­nysty atqarylýy tıis ekeni aıtyl-
dy.

Bizdiń halyqqa keregi de osy edi. Alaıda aıtylǵandardyń barlyǵy bir taraptan ǵana emes, eki tarap negizinde birlese júzege asyrylýy kerek. Iаǵnı eldiń ár azamatynyń áleýmettik jaýapkershiligin sezinetin jáne sezindiretin ýaqyt kelgen sııaqty. El azamattarynyń áleýmettik jaǵdaıyn jaqsartyp qana qoımaı, barlyq baǵyttaǵy saýattylyǵyn arttyrý úshin de tıisti sharalar atqarylýy qajet. Saýatty azamattar men saýatty básekeniń júzege asy­rylýy turaqtylyqty qalyp­tas­tyrady.

 

Shyryn TLENChIEVA,

Ál-Farabı atyndaǵy QazUÝ

«Áleýmettaný» mamandyǵynyń PhD doktoranty

Sońǵy jańalyqtar

Uqsas jańalyqtar