Ekonomıka • 20 Qańtar, 2022

Úkimet bıznes sýbektilerine kelgen shyǵyndy óteý mehanızmin bekitti

70 ret kórsetildi

«Atameken» Ulttyq kásipkerler palatasy Prezıdent Qasym-Jomart Toqaevtyń tapsyrmasyna sáıkes, úkimettik komıssııanyń otyrysynda 2022 jylǵy qańtardaǵy jekelegen óńirlerdegi tártipsizdik saldarynan shaǵyn jáne orta kásipkerlik sýbektilerine keltirilgen múliktik zalaldy óteý tetigin bekitti, dep habarlaıdy Egemen.kz.

Palata málimetinshe, jekelegen óńirlerdegi tártipsizdikter saldarynan keltirilgen zalaldy joıý máseleleri jónindegi komıssııaǵa Premer-Mınıstrdiń birinshi orynbasary Roman Sklıar tóraǵalyq etedi.

Zardap shekken kásipkerler keltirilgen zalaldy óteýge ótinimdi barlyq qajetti qujatty qosa, ESQ arqyly InfoKazakhstan.kz platformasynda beredi. Keshke deıin InfoKazakhstan.kz saıtynda elektron ótinishti toltyrý jáne qajetti qujattardy júkteý boıynsha egjeı-tegjeı nusqaýlyq jarııalanady.

Kásipkerler zardap shekken aımaqtarda О́ńirlik komıssııalar qurylady. Olardyń quramyna ákimdik, máslıhat, óńirlik kásipkerler palatalary jáne qoǵamdyq birlestikterdiń ókilderi kiredi. О́ńirlik komıssııalar zalaldy óteý týraly ótinishterdi kúntizbelik 5 kún ishinde qaraıdy jáne maquldaǵan jaǵdaıda, usynylǵan málimetter men qujattar negizinde óńirlik komıssııa aıqyndaıtyn mólsherde qarajat bólý týraly sheshim shyǵarylady.

Qarjy Qazaqstan Respýblıkasynyń bıýdjettik rásimderine sáıkes múlik ıesiniń ótinishinde kórsetilgen aǵymdaǵy nemese jınaq shotyna tıisti sheshim qabyldanǵan kúnnen bastap bir aı ishinde ótinish berýshige aýdarylady dep boljanady.

О́teý somasy múliktik zalaldyń 3 túri boıynsha esepteledi:

1) búlingen jyljymaıtyn múlik boıynsha: Qazaqstan Respýblıkasynyń sáýlet, qala qurylysy jáne qurylys qyzmeti salasyndaǵy zańnamasyna sáıkes ázirlengen, ony qalpyna keltirýge arnalǵan shyǵyndardyń smetasymen nemese kalkýlıasııasymen rastalatyn, búlingen jyljymaıtyn múlikti qalpyna keltirýge (jóndeýge) arnalǵan shyǵystar esepteledi.

2) búlingen nemese joıylǵan jyljymaly múlik jáne (nemese) taýar-materıaldyq qundylyq boıynsha: óteýge beriletin soma ákimdik nemese qor aıqyndaıtyn baǵalaý jáne aýdıtorlyq kompanııalar daıyndaǵan baǵalaý týraly esep (akt) negizge alyna otyryp esepteledi.

3) joǵalǵan (urlanǵan) taýar-materıaldyq qundylyq jáne jabdyq boıynsha: joǵalǵan (urlanǵan) taýar-materıaldyq qundylyqtar men jabdyqtardy óteý somasyn esepteý kásipkerlik sýbektiniń 2021 jylǵy ortasha aılyq aınalymy negizinde mehanızmmen belgilengen koeffısıentke kóbeıtilip júrgiziledi.

Múlikke baǵalaý nemese aýdıt júrgizýge, búlingen múlikti qalpyna keltirýge smetalar jasaýǵa jáne shyǵyndardy kalkýlıasııalaýǵa baılanysty qyzmetterge aqy tóleý ákimdiktiń nemese «Kúshimiz birlikte» qorynyń qarajaty esebinen júzege asyrylatynyn atap ótken jón. Bul rette, eger kásipker óńirlik komıssııa aıqyndaıtyn óteý somasymen kelispese, onda ol Qazaqstan Respýblıkasynyń Qylmystyq-prosestik kodeksine sáıkes sot-býhgalterlik, sot-taýartaný nemese sot-qurylys saraptamasy belgileıtin naqty keltirilgen zalal boıynsha zalal somasyn óteýdi talap etýge quqyly. Bul tetik 2023 jylǵy 1 qańtarǵa deıin qoldanysta bolady.

2022 jylǵy 4-20 qańtar aralyǵynda UKP 1432 call-ortalyǵyna 10437 qońyraý, onyń ishinde tonaý máseleleri boıynsha – 2308, fors-major týraly kýálik boıynsha – 536, blok beketterden ótý boıynsha – 2, zardap shekken kásipkerlerdi qoldaý qory – 33, bıznesti qaıta bastaý jáne zalaldy baǵalaý boıynsha – 1017, jeke tulǵalardyń qońyraýy boıynsha – 2411 qońyraý tústi. О́ńirlik palatalar fors-major týraly kýálikter boıynsha 1045 qońyraý jáne 350 ótinish qabyldady.

Elimizdiń 9 óńirinde 2266 obektide ornalasqan zardap shekken 1861 bıznes sýbekti anyqtaldy, olardyń ishinde Almatyda 1969 obektide ornalasqan 1602 sýbekt bar. Zardap shekken bıznes sýbektileriniń salalary: saýda – 1663; qoǵamdyq tamaqtaný – 68; qarjy sektory – 88; logıstıka – 36; BAQ – 6.

Sońǵy jańalyqtar

Prezıdent Almaty ákimin qabyldady

Prezıdent • Búgin, 14:07

Iranda 6 baldyq jer silkinisi boldy

Álem • Búgin, 11:20

О́tken táýlikte 187 adam indet juqtyrdy

Koronavırýs • Búgin, 10:40

Búgin aqyn Muhtar Shahanov 80 jasqa toldy

Qazaqstan • Búgin, 09:02

Dollar arzandady

Qarjy • Keshe

Uqsas jańalyqtar