Ekonomıka • 21 Qańtar, 2022

Ulttyq bank: Kúmándi transshekaralyq operasııalarǵa qarjy monıtorıngi kúsheıtildi

59 ret kórsetildi

Bul týraly Ulttyq bank tóraǵasy Erbolat Dosaev Memleket basshysynyń otandyq ınvestorlarmen kezdesý barysynda aıtty, dep jazady Egemen.kz.

«Osy jylǵy 10 qańtarda Ulttyq Banktiń, Qarjy monıtorıngi agenttigi (QMA) men Qarjy naryǵyn retteý jáne damytý agenttiginiń (QNRDA) birlesken buıryǵy qabyldandy, onda kúsheıtilgen qarjy monıtorıngine jatatyn transshekaralyq operasııalardyń tizbesi bekitilip, operasııalardy júrgizýge berilgen ótinimder boıynsha is-qımyl algorıtmi belgilendi. Ekinshi deńgeıdegi bankter úshin birlesken buıryqtyń normalaryn túsindirý Qazaqstan qarjygerleri qaýymdastyǵynyń qatysýymen jedel túrde júrgizildi», dedi ol. 

Erbolat Dosaevtyń aıtýynsha, úzdik álemdik praktıkany eskere otyryp, ekinshi deńgeıdegi bankter KYC (know your client) qaǵıdattary sheńberinde táýekeli joǵary operasııalardy jan-jaqty zerdeleý jumysyn kúsheıtti.

«Parlamenttik sessııanyń sońyna deıin qarjy monıtorıngi sharalaryn odan ári kúsheıtýge jáne Ekonomıkalyq yntymaqtastyq jáne damý uıymynyń (EYDU) standarttary boıynsha qarjy júıesine KYC qaǵıdattaryn tolyq engizýge baǵyttalǵan zańnamalyq túzetýler blogyn ázirleý jáne qabyldaý qajet dep esepteımiz», dedi Ulttyq bank tóraǵasy.

Sońǵy jańalyqtar

Prezıdent Almaty ákimin qabyldady

Prezıdent • Búgin, 14:07

Iranda 6 baldyq jer silkinisi boldy

Álem • Búgin, 11:20

О́tken táýlikte 187 adam indet juqtyrdy

Koronavırýs • Búgin, 10:40

Búgin aqyn Muhtar Shahanov 80 jasqa toldy

Qazaqstan • Búgin, 09:02

Dollar arzandady

Qarjy • Keshe

Uqsas jańalyqtar