Qarjy • 22 Qańtar, 2022

«Qazaqstan halqyna» qoryna jınalǵan qarjy qalaı jumsalady

177 ret kórsetildi

«Qazaqstan halqyna» qorynyń basqarma tóraǵasy Bolat Jámishev Qordyń kómek alýshylarmen tikeleı ózara is-qımyl jasamaıtynyn aıtty, dep habarlaıdy Egemen.kz.

 

«Keıbir adamdar bul bızneske salynǵan qosymsha salyq dep qabyldaıtyny týraly habarlamalardy kórdim. Bul salyq emes, bul kásiporyndardyń erikti tizimi dep aıtqym keledi. Qazir negizinen iri bıznes kásiporyndary men osy kásiporyndardyń aksıonerleri aqsha aýdarýda. Salyq zańnamasyna sáıkes salyq salynatyn tabystyń 3%-na deıin salyq shegerimderi kózdelgen jáne bul aqshanyń barlyǵy qaıyrymdylyqqa jiberiledi. Meniń oıymsha, osy salyqtyq jeńildikter aıasynda aýdarymdar júzege asyrylady. Sondyqtan, bul aýdarymdar baǵanyń ósýine áser etpeıdi. Kóptegen kásipkerler qaıyrymdylyqpen aınalysady. Jańa qor qura otyryp, olardyń barlyq iske asyratyn jobalary qarjylandyrylady dep oılaımyn. Taǵy bir Qor qyzmetine qatysý Qorǵa úlken jaýapkershilik júkteıdi. Bıznesmender qaıyrymdylyqqa aýdarylǵan qarajattyń jumsalýyna nemquraıdy qaramaıdy. Qordyń jaýapty jáne tıimdi jumysy ǵana qarajattyń turaqty túsýine múmkindik beredi. Biz demeýshiler arasynan keńes qurýdy josparlap otyrmyz. Osy keńespen birlesip Qor donorlarymen jumys isteý strategııasyn ázirleımiz. Erikti qaıyrymdylyqtardan basqa qorǵa lotereıa qyzmeti operatorynan jáne mólsherlemelerdi esepteý ortalyǵynan, sondaı-aq Úkimet aıqyndaǵan basqa da kózderden qarajat túsedi. Búgingi kúni jeke tulǵalar erikti negizde qordy qalyptastyrýǵa qatysýda jáne Qor qandaı da bir naýqan sheńberinde qandaı da bir májbúrleý arqyly jasalyp jatyr deýge qandaı da bir sebepterdiń bolýyna úzildi-kesildi qarsy. Biz jeke tulǵalardyń erikti túrde qatysýyn qoldaımyz. Qor halyqtyń qandaı da bir toptary memleket pen jeke bıznes usynbaıtyn qyzmetterge muqtaj bolǵan jaǵdaılarda densaýlyq saqtaý, bilim berý, áleýmettik qorǵaý, mádenıet jáne sport salasynda qaıyrymdylyq kómek kórsetetin bolady. Sondaı-aq, qor elimizdiń tutastyǵy men táýelsizdigin qorǵaý kezinde qaza tapqan áskerı qyzmetshiler men quqyq qorǵaý organdary qyzmetkerleriniń otbasylaryna qoldaý kórsetetin bolady. Tabıǵı jáne tehnogendik sıpattaǵy apattar kezinde halyqqa memleketpen birge kómektesedi. Qor sondaı-aq balalar úshin sport obektileriniń jáne ózge de áleýmettik mańyzy bar kórsetiletin qyzmetterdiń qoljetimdiligin qamtamasyz etýge qatysady. Qor kedeıshilikke baılanysty densaýlyǵy men bolashaǵyna qater tóngen otbasylardan shyqqan balalarǵa kómek kórsetýge tıis bolady dep oılaımyn. Qor kómek alýshylarmen tikeleı ózara is-qımyl jasamaıdy. Ol úshin úlken shtat pen fılıaldyq jeli qajet. Bizdiń elimizde Qordyń qyzmetine baǵyttalǵan máselelermen aınalysatyn kóptegen qoǵamdyq uıymdar jumys isteıdi. Qor olardyń seriktesi bolady jáne olar arqyly jumys isteıdi. Bul rette qordyń aqshasyn osy uıymdardyń apparattaryn ustaýǵa paıdalanýǵa jol berilmeıdi. Aqsha tikeleı kómek alýshylarǵa jumsalady. Qazirdiń ózinde 140 qoǵamdyq uıym halyqtan ótinimderdi biryńǵaı elektrondyq portal arqyly ǵana qabyldaıdy. Bul portal halyq, qaıyrymdylyq uıymdary men qor arasyndaǵy baılanys arnasyna aınalady», dedi Bolat Jámishev Ortalyq kommýnıkasııalar qyzmetinde ótken brıfıngte.

Sońǵy jańalyqtar

Dollar 10 teńgege qymbattady

Qarjy • Búgin, 16:23

Referendýmǵa latvııalyq baqylaýshylar keledi

Referendým-2022 • Búgin, 15:25

Saıajaıdan esirtki zerthanasy tabyldy

Aımaqtar • Búgin, 13:07

Uqsas jańalyqtar