Oqıǵa • 22 Qańtar, 2022

Elordada bala kútýshi jumys berýshini tonap kelgen

107 ret kórsetildi

Polısııa qyzmetkerleri jedel-izdestirý is-sharalaryn júrgizý kezinde iri urlyq jasady degen kúdikpen 22 jastaǵy qyzdy ustady, dep habarlaıdy Egemen.kz.

«Kúdikti 2021 jyldyń qarasha aıynan bastap búginge deıingi bala kútýshi bolyp jumys istep kelgen. Osy aralyqta kútýshi óz jumys berýshisiniń 1 mln teńge aqshalaı qarajaty men zergerlik buıymdaryn, gadjet jáne ózge de zattaryn qoldy etken», dep habarlady Nur-Sultan qalasynyń PD.

О́tinish berýshiniń aıtýynsha, ol kútýshini jumyspen qamtý agenttigi arqyly tapqan. Qyz eki balany kútip qarap, senimge kirip, otbasyn júıeli túrde urlaı bastaǵan. Aldymen aqsha joǵala bastaǵan, muny jábirlenýshi baıqamaǵan. Alaıda bala kútýshisi altyn buıymdardy, kıim men gadjet syndy qundy dúnıelerdi urlaı bastaǵanda ǵana úıdiń ıesi zattarynyń joǵalǵanyn baıqap polısııaǵa júgingen.

Bala kútýshi turǵan bólmeni tekserý barysynda polıseıler barlyq urlanǵan zattardy taýyp alyp, tárkiledi.
Atalǵan fakti boıynsha sotqa deıingi tergeý amaldary júrgizilýde. Kúdikti óz kinásin moıyndady, elorda aýmaǵynda buryn jasalǵan osyǵan uqsas qylmystarǵa qatystylyǵy tekserilýde.

Sońǵy jańalyqtar

Dollar 10 teńgege qymbattady

Qarjy • Búgin, 16:23

Referendýmǵa latvııalyq baqylaýshylar keledi

Referendým-2022 • Búgin, 15:25

Saıajaıdan esirtki zerthanasy tabyldy

Aımaqtar • Búgin, 13:07

Uqsas jańalyqtar