Elorda • 23 Qańtar, 2022

Nur-Sultanda 12 myńnan astam páter tekserildi

99 ret kórsetildi

Elordada «Quqyqtyq tártip» jedel-profılaktıkalyq is-sharasy ótip jatyr, dep habarlaıdy Egemen.kz Nur-Sultan qalalyq polısııa departamentiniń baspasóz qyzmetine silteme jasap.

Polıseıler men áskerı qyzmetkerlerden quralǵan mobıldi toptar qala kóshelerin aralady.

Shara bastalǵaly 12 myńnan astam páter, sondaı-aq jaldamaly turǵyn úıler tekserildi.

Sonymen qatar, polıseıler kólik júrgizýshileriniń jol qozǵalysy erejelerin buzý faktilerin anyqtady.

Elorda joldarynda 16 mas júrgizýshi ustalyp, kólikter kommýnaldyq turaqqa qoıyldy.

Máselen, keshe túngi saǵat 00.05-te Túrkistan-Syǵanaq kósheleriniń qıylysynda polısııa polkiniń mamandandyrylǵan batalonynyń qyzmetkerleri 26 jastaǵy júrgizýshi basqarǵan VAZ kóligin toqtatty.

Qujattardy tekserý kezinde júrgizýshiden alkogol ıisi shyqqan.

Saraptama qorytyndysy boıynsha er adamda jeńil dárejeli alkogoldik ýlaný anyqtaldy. Quqyq buzýshyǵa qatysty QR QK 608-baby boıynsha ákimshilik is qozǵaldy.

Prosessýaldyq sheshimdi sot qabyldaıdy. Kólik qoǵamdyq kólik turaǵyna qoıyldy.

«Esterińizge salaıyq, kólikti mas kúıinde basqarǵany úshin tártip buzýshylar 15 táýlikke qamaýǵa alynady jáne jeti jyl merzimge kólik quralyn basqarý quqyǵynan aıyrylady», dep habarlady polısııa qyzmeti.

Sońǵy jańalyqtar

Uqsas jańalyqtar