«О́nerkásip salasynda «Dýnga» ken ornyn ıgerýdiń úsh kezeńin iske asyrý, Aqtaý qalasynda munaı-hımııa keshenin salý jáne basqalary josparlanǵan. Agroónerkásiptik keshen salalarynda 25 ınvestısııalyq jobany iske asyrý jáne balyq sharýashylyǵy óniminiń ónimdiligi men sapasyn arttyrýdy sýbsıdııalaý, sondaı-aq asyl tuqymdy balyq sharýashylyǵyn damytý josparlanýda. Týrızm salasynda 14 nysannyń qurylysy kútilýde», dedi QR Ulttyq ekonomıka mınıstri Álibek Qýantyrov Úkimet otyrysynda.
Sondaı-aq óńirde 1059 km jergilikti mańyzy bar avtojoldardy, 87,9 km elektr jelilerin, 116 km jylý jelilerin salý jáne jóndeý, sondaı-aq tushylandyrý zaýyttary men qondyrǵylarynyń toǵyz jobasyn salý kózdelgen.
«Áleýmettik salany damytý aıasynda aýdandyq ortalyq aýrýhana, 24 mektep jáne 11 qosymsha qurylys salý, bes kolledjdi jabdyqtarmen jabdyqtaý qarastyrylǵan. Júrgizilgen jumystardyń nátıjesinde Mańǵystaý oblysynda ónerkásip kólemi 28%-ǵa, týrıster aǵyny 4,6 esege artady, jaqsy jáne qanaǵattanarlyq jaǵdaıdaǵy joldardyń úlesi 100%-ǵa jetedi jáne 4 mln sharshy metr turǵyn úı paıdalanýǵa beriledi», dep qosty mınıstr.
