«25 qańtarynda saǵat 11.59-da (Nur-Sultan ýaqytymen) Ortalyq Azııa (О́zbekstan, Qyrǵyzstan) energııa júıesinde týyndaǵan apattyq jaǵdaıdan soń «Soltústik-Shyǵys-Qazaqstannyń ońtústigi» 500 kV elektr energııasy tranzıtine arnalǵan qýattyń tómendeýi baıqaldy. Saldarynan «Soltústik-Shyǵys-Qazaqstannyń ońtústigi» tranzıtiniń apatty bólinýi oryn alyp, Qazaqstannyń ońtústik aımaǵyndaǵy tutynýshylardyń basym bóligi jaryqsyz qaldy. Shektelý kólemi shamamen 1 500 megavatty quraıdy. Qazirgi ýaqytta júıe operatory «KEGOC» AQ apatty joıý is-sharalaryn qabyldap jatyr», delingen kompanııa keltirgen aqparatta.
Birshama ýaqyt buryn «Samuryq-Energo» AQ Almatyda elektr energııasynyń óshýine baılanysty pikir bildirgen bolatyn.
«О́ńirdi energojúıeniń soltústik jáne ońtústik bólikterimen baılanystyratyn joǵary voltty elektr jelileriniń apatty túrde toqtaýyna baılanysty Almaty qalasy men Almaty energetıka ortalyǵy oqshaýlandyrylǵan jumysqa aýystyryldy», dedi kompanııa ókilderi.
Sonymen qatar áleýmettik jelilerde Jambyl jáne Túrkistan oblystarynda jaryq sóngeni týraly habar tarady.
