Sport • 27 Qańtar, 2022

Bir mınýttaǵy tabysy – 8 mln

55 ret kórsetildi

Áıgili Olbg basylymy 2021 jyly bir mınýtta eń kóp tabys tapqan sport­shylardyń tizimin jarııalady.

Basylym usynǵan tizimde eń úzdik kórsetkish áıgili ırlandııalyq aralas jekpe-jek sheberi Konor MakGregorǵa tıesili ekeni aıtylady. Ol byltyr UFC týrnırinde eki márte amerıkalyq Dastın Poremen segizburyshta kezdesip, ekeýinde de jeńilip qalǵan bolatyn. Alaıda ol osy eki aıqasta nebári úsh mınýt qana óner kórsetip, 22 mıllıon AQSh dollaryna kenelgen. Bul aqshany bir mınýtqa shaqsaq, ol 60 sekýndta 8 mln 695 myń 652 dollar tapqan bolyp shyǵady. Sondaı-aq ırlandııalyq juldyzdyń esep-shotyna ár jeti sekýnd saıyn 1 mıllıon AQSh dollary túsip otyrǵan. Konordan keıingi orynǵa meksıkalyq boksshy Saýl Alvares jaıǵasqan. «Kanelo» byltyr bir mınýtta 444 myń 444 dollar taýypty. Ol sharshy alańda 72 mınýt óner kórsetken. Úzdik úshtikti amerıkalyq fýtbol oıynshysy Dak Preskott túıindep tur. Onyń bir mınýttaǵy tabysy – 325 myń dollar.

Reıtıngtegi alǵashqy 20 orynnyń 17-si amerıkalyq fýtbol ókilderine tıesili. Al fýtbolshy Neımar atalǵan tizimde 17-orynda tur. Ol bir mınýtta 32 myń 716 dollarǵa baıyǵan. Messı – 23, Ronaldý 25-orynǵa turaqtaǵan.

Sońǵy jańalyqtar

Petropavlda jas jigitti KamAZ qaǵyp ketti

Aımaqtar • 27 Mamyr, 2022

Uqsas jańalyqtar