О́ner • 28 Qańtar, 2022

Indetti jeńýdiń joly – revaksınalaý

94 ret kórsetildi

28 qańtarda Nur-Sultan qalasy ákimdiginiń Mýzykalyq jas kórermen teatry ujymy qalalyq №2 emhanada COVID-19-ǵa qarsy ekpeniń úshinshi komponentin saldyrdy, dep habarlaıdy Egemen.kz.

Qaýipti indetten qorǵanýdyń jalǵyz joly ol – revaksınalaý. Sońǵy ýaqytta álemde de, elimizde de aýrý sany qaıtadan ósýde. Sondyqtan teatr dırektory Ashat Maksımuly Maemırov bastaǵan teatr ujymy ekpe saldyrdy.

«Aqpan aıynan bastap Mýzykalyq jas kórermen teatry qoıylymdaryn óz kórermenderine tartý etedi. Al kórermenderdiń qaýipsizdigi biz úshin birinshi kezekte. Sondyqtan olardyń qoıylymdy qaýip-qatersiz, emen-jarqyn joǵary kóńil-kúımen tamashalap otyrýy biz úshin mańyzdy. Teatr basshysy retinde ózim bastap, búkil ujym bolyp revaksınaǵa qatysyp jatyrmyz.

Qazir 20-dan astam teatr artısteri ekpeniń úshinshi komponentin aldy. Revaksınasııa teatr qyzmetkerleri tolyq ótkenshe jalǵasa beredi. Jalpy, jappaı revaksınalaý arqyly ujymdyq ımmýnıtet qalyptasqanda ǵana indetti jeńetinimiz belgili. Sondyqtan, barlyq otandastarymyzdy, el azamattaryn revaksınalaýǵa shaqyramyz» dedi teatr dırektory Ashat Maksımuly.

Aldaǵy ýaqytta teatrǵa kórermenderdiń kelýine múmkindikter jasalyp jatyr. Sondyqtan  sahnada óner kórsetetin teatr artısteri ereje boıynsha ekpeniń ekinshi kezeńinen soń 6 aıdan keıin ózderi kelip revaksınalaýdan óte beretin bolady.

Sońǵy jańalyqtar

Uqsas jańalyqtar