Memleket basshysynyń bastamasymen 2022 jylǵy qańtarda qurylǵan qor densaýlyq saqtaý, bilim berý, mádenıet jáne sport salalarynda halyqtyń áleýmettik osal toptaryn qoldaýdyń mańyzdy mindetterin sheshýge, tótenshe jaǵdaılar men tótenshe jaǵdaıdy engizý kezinde zardap shekkenderge jáne elimizdiń qaýipsizdigin kúndelikti qamtamasyz etetin quqyq qorǵaý qyzmetkerleri men áskerı qyzmetkerlerdiń otbasylaryna qoldaý kórsetýge arnalǵan.
Qosymsha qarjylandyrý «Halyq» qorynyń quryltaıshylary Tımýr men Dınara Kýlıbaevtardyń jarnalarynyń arqasynda múmkin boldy. Olardyń turaqty qoldaýynyń arqasynda «Halyq» qory Qazaqstan halqyna júıeli kómek kórsetedi: tek 2020-2021 jj. aralyǵynda Qor 18 mıllıard teńgeden astam somaǵa qaıyrymdylyq baǵdarlamalaryn júzege asyrdy. Onyń ishinde pandemııa kezinde halyqqa kómek kórsetý, medısınalyq qural-jabdyqtar men dári-dármektermen qamtamasyz etý, eń muqtaj turǵyndarǵa azyq-túlik sebetterin taratý, balalar men jastarǵa sapaly bilim berýdi damytý baǵdarlamalary jáne basqa da qaıyrymdylyq baǵdarlamalaryn júzege asyrdy.
2022 jyldyń qańtar aıynda Kýlıbaevtar otbasy áleýmettik máselelerdi sheshý úshin Halyk Bank pen «Halyq» qaıyrymdylyq qory arqyly «Qazaqstan halqyna» qoryna alǵashqylardyń biri bolyp 5 mıllıard teńge aýdardy.
«Memleket basshysy Qazaqstannyń árbir azamatynyń jaqsy ómir súrý jaǵdaıyn qamtamasyz etý úshin úkimettiń, qaıyrymdylyq uıymdary men mesenattardyń kúsh-jigerin biriktirýge baǵyttalǵan mańyzdy bastamasyn kóterdi. Biz elimizdiń órkendeýine baǵyttalǵan Prezıdent Qasym-Jomart Toqaevtyń bastamalaryn qoldaýdy jalǵastyrýǵa daıynbyz», deıdi «Halyq» QQ Qamqorshylyq keńesiniń tóraıymy Dınara Kýlıbaeva.
