Bilim • 04 Aqpan, 2022

Almatylyq stýdentter eýropalyq bilim berý júıesimen tanysyp qaıtty

60 ret kórsetildi

Qazaq ulttyq qyzdar pedagogıkalyq ýnıversıtetiniń stýdentteri akademııalyq utqyrlyq baǵdarlamasy aıasynda Rıga tehnıkalyq ýnıversıtetiniń Aqparattyq júıeler menedjmenti joǵary mektebinde bilimderin jetildirip qaıtty, dep habarlaıdy Egemen.kz oqý ornynyń Kommýnıkasııa jáne medıa departamentine silteme jasap.

Fızıka, matematıka jáne sıfrlyq tehnologııalar ınstıtýtynyń bilim alýshylary bir semestr kóleminde eýropalyq bilim berý standartyna negizdelgen oqý júıesimen tanysýǵa múmkindik aldy.

Sonymen bıylǵy oqý jylynda Qazaq ulttyq qyzdar pedagogıkalyq ýnıversıtetiniń 17 bilim alýshysy akademııalyq utqyrlyq jáne qos dıplomdy bilim berý baǵdarlamalary boıynsha sheteldiń irgeli joǵary oqý oryndarynda bilim alýǵa múmkindik aldy.

Atap aıtqanda, «Informatıka» mamandyǵy boıynsha bilim alatyn stýdentter Latvııanyń Menedjment jáne aqparattyq júıeler Joǵary mektebinde, «Shetel tili: eki shet tili», «Aýdarma isi» mamandyqtary boıynsha bilim alatyn stýdentter men magıstranttar Polshanyń Sılez Ýnıversıtetinde, «Hımııa», «Bıologııa», «Geografııa» mamandyqtary boıynsha bilim alatyn stýdentter Túrkııanyń Nııde О́mer Halısdemır Ýnıversıtetinde akademııalyq utqyrlyq jáne qos dıplomdy bilim berý baǵdarlamalary boıynsha biliktiligin jetildirmek.  

Aıta keteıik, qazirgi kúnde Ýnıversıtette sheteldik joǵary oqý oryndarymen 70-ten astam halyqaralyq shart bar.  

Akademııalyq utqyrlyq baǵdarlamasyn iske asyrý maqsatynda álemniń 9 joǵary oqý ornymen kelisim ornatylǵan. Olardyń qatarynda AQSh, Túrkııa, Fransııa, Ulybrıtanııa, Polsha, Ońtústik Koreıa, Reseı syndy memleketterdegi jetekshi ýnıversıtetter bar.  

Ýnıversıtet ınternasıonalandyrýdy damytý maqsatynda AQSh-tyń Mıssısıpı alqabynyń memlekettik ýnıversıtetimen, Polshanyń Sılez ýnıversıtetimen jáne Reseıdiń Tomsk polıtehnıkalyq ýnıversıtetimen qos dıplomdy bilim berý baǵdarlamalaryn iske asyryp otyr.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar