«Bıýro otyrysynda Májilis tóraǵasy Erlan Qoshanov palata apparatynyń jańa basshysyn Renat Qurmetjanuly Aıtaevty tanystyrdy», delingen habarlamada.
Renat Aıtaev buǵan deıin QR Prezıdenti Ákimshilik Basshysy hatshylyǵynyń meńgerýshisi qyzmetin atqarǵan.
Ol 1976 jyly 10 qyrkúıekte dúnıege kelgen. Serikbaev atyndaǵy Shyǵys Qazaqstan memlekettik tehnıkalyq ýnıversıtetin, sondaı-aq Qazaq memlekettik zań akademııasyn bitirgen.
Eńbek jolyn 1998 jyly bastady.
Osy jyldary Memlekettik kiris mınıstrliginde, Kedendik baqylaý agenttiginde, Qarjy mınıstrliginde, Eńbek jáne halyqty áleýmettik qorǵaý mınıstrliginde, Indýstrııa jáne saýda mınıstrliginde, Premer-Mınıstr keńsesinde qyzmet etti.
2010-2017 jyldary - Premer-Mınıstr keńsesiniń Indýstrıaldy-ınnovasııalyq damý bóliminiń meńgerýshisi.
2017-2019 jyldary - Premer-Mınıstr keńsesi Basshysynyń orynbasary, Premer-Mınıstr keńsesiniń Ádep jónindegi ýákili.
2019 jyly Prezıdent Ákimshiligi Basshysy hatshylyǵynyń meńgerýshisi bolyp taǵaıyndaldy.
