Taıaýda kópten kórmegen baýyzdaý qudammen júzdese qalǵanym. Az-kem amandyq-saýlyqtan soń qudam qaljyńǵa súıep:
– Bıyl úıińnen bir omyrtqa mújimedik qoı, – degeni.
О́kpesiniń jóni bar, yryzdyq kemimegenimen, múmkindiktiń az bolyp turǵany. Ol jalpaq dúnıeni jalǵyz qaýyzǵa syıǵyzǵan jaman tumaýdyń jaıylyp ketýinen. Topyrlatyp kisi shaqyryp, tórge otyrǵyzyp kútpek túgili, kóshede jótelgen adamnan at-tonymyzdy ala qashatyn boldyq.
– Jaǵdaı osylaı, ózińiz de bilesiń ǵoı, quda, – dep jaqaýqattyq.
– Oıyn ǵoı, biraq osy derttiń saldarynan aǵaıynnyń bet-júzin kórmeıtin boldyq. Jat bolyp ketpesek jarar edi, – dep qatty aıtty quda, jıenderdiń de búıregin joldaǵan joqsyń. Erteń naǵashylaryna búıregi burylmaı tursa, ózińnen kór.
Shynynda da omyrtqa adamdardy bir-birine jaqyndastyratyn ádemi joralǵy. «Bir kún dámdes bolǵanǵa, qyryq kún sálem ber» deıdi halyq. Mysaly, jaratylys ıesiniń bar múshesin ustap turatyn, qozǵalysqa keltiretin múshe – omyrtqa. Alysty jaqyndatyp, aǵaıyndy tonnyń ishki baýyndaı bekemdeıtin de osy salt. О́ńir jasyl aımaqqa aýyssa, ókpe aıtqysh aǵaıyndy omyrtqaǵa shaqyryp jibermekpin.
Kókshetaý
