Qazaqstannyń bıylǵy EFM-ge qatysýynyń máni mynada – Berlınalege qatysatyn jumystardyń festıvaldegi tabysyna súıene otyryp, jalpy qazaqstandyq kıno ónimderine qyzyǵýshylyqty arttyrý. Berlınale festıvaliniń baǵdarlamasyna engen úsh kartına álemdik kınobıznes ókilderiniń qazaqstandyq kınematografqa nazar aýdarýyna túrtki bolary sózsiz. Onyń ekeýi – Dárejan О́mirbaevtiń «Aqyn» jáne Farhat Sháripovtiń «Shema» kórkem fılmderi. Ekeýi de Ulttyq kınony qoldaý memlekettik ortalyǵynyń kómegimen túsirilgen. Úshinshisi – Asqar Uzabaevtyń «Baqyt» áleýmettik dramasy.
Forum seksııasynda usynylatyn «Aqynnyń» buǵan deıingi festıvalge qatysqan tájirıbesi bar. Kartınanyń tusaýkeseri ótken jyldyń sońynda Tokıo kınofestıvalinde ótip, onyń avtorlary úzdik rejıssýra úshin syılyq ıelengen bolatyn. Al «Shema» týyndysy (Generation 14+ seksııasynyń qatysýshysy), ótken jyldyń jeltoqsanynda uıymdastyrylǵan Máskeý kınonaryǵynda mamandardyń nazaryn aýdarǵan. Berlın festıvali men kıno naryǵy aıasynda festıval qatysýshylaryna, dıstrıbıýtorlarǵa jáne baspasóz ókilderine arnalǵan kórsetilimderdi qosa alǵanda, ár kartına jeti ret kórsetiledi. Satyp alýshylardyń nazaryna usynylatyn úlken tizimge engen keıbir týyndylarǵa toqtalyp óteıik.
Aldııar Baırakımovtyń «Paralımpıadashy» fılmi shynaıy oqıǵaǵa negizdelgen. Rejısserdi qysqy Paralımpıada oıyndarynyń alǵashqy qazaqstandyq chempıony Aleksandr Kolıadınniń taǵdyry shabyttandyrǵan.
Ernar Nurǵalıev túsirgen «Alǵa» atty taǵy bir sporttyq dramada ákelerin joǵaltqan eki aǵaıyndynyń úlken sport arqyly óz ómir jolyn aıqyndaǵany baıandalady. «Dos-Muqasan» – Aıdyn Sahamannyń mıýzıkli, onyń negizinde aty ańyzǵa aınalǵan qazaqstandyq ansambl jetistiginiń tarıhy men mýzykanttardyń osy tabysqa jetý jolyndaǵy basynan keshken buralań tarıhy tarqatylady.
Berlınde tanystyrylǵan memlekettiń qarjylandyrýynsyz túsirilgen kartınalardyń ishinde prokaty tabyspen ótken «Moıa bolshaıa kazahskaıa semıa», jas kınematografısterdiń debıýttik kartınasy «Zere», sondaı-aq Ekaterına Sývorova túsirgen tanymal NinetyOne toby týraly «Pet svoı pesnı» atty derekti fılmderi bar.
Festıval keshe ǵana bastalsa da birqatar qazaqstandyq fılmderge halyqaralyq satyp alýshylar qyzyǵýshylyq tanytyp otyr.
UKQMO Basqarma tóraǵasynyń orynbasary Baýyrjan Shókenovtiń aıtýynsha, Kınoortalyq óz aldyna biryńǵaı mazmundyq alańǵa aınalý maqsatyn qoıǵan, ol memleket qarjylandyratyn fılmderdi ǵana emes, táýelsiz óndirýshiler túsirgen kartınalardy, bir sózben aıtqanda, el aýmaǵynda shyǵarylatyn barlyq kontentti qamtıdy. Barlyq aqparat KazakhCinema vırtýaldy stendinde usynylǵan.
– Berlınmen toqtap qalmaımyz, – deıdi B.Shókenov. – Álemniń iri kınonaryqtaryna qatysýdy jalǵastyramyz. Aldaǵy Kann festıvalinde qoıylatyn Qazaqstan pavılony – bul da biz úshin mańyzdy alańnyń biri, oǵan biz «Qazaqfılmdi» de, iri prodakshn-stýdııalardy da shyǵarmaqpyz. Kınoortalyqtyń syrtqy naryqqa biryńǵaı operator retinde shyqqany durys, bul el ımıdjin qalyptastyrýǵa úlken septigin tıgizedi jáne kınoındýstrııanyń barlyq qatysýshylaryna salanyń birtutas bolyp, bir baǵytta qozǵalatynyn túsinýge múmkindik beredi. Bul – búkil álem ustanatyn qaǵıdat.
