16 aqpanda saǵat 12:15-te Qaraǵandy qalasynyń 15 magıstrali men Popov kóshesiniń qıylysynda benzın tasymaldaıtyn kólik aýdaryldy.
Qaraǵandy oblysy PD baspasóz qyzmetiniń habarlaýynsha, aldyn ala málimetterge sáıkes «KamAZ» (benzın tasýshy) avtokóliginiń júrgizýshisi rýldi basqara almaı, saldarynan 20 tonnalyq jartylaı tirkeme aýdarylyp ketken. Oqıǵa nátıjesinde jol tósemine 2 tonnaǵa jýyq benzın tógildi.
«Otynnyń tógilgen jerinde órt paıda bolǵan joq, benzın 300 sh. m. jerge jaıylyp ketti. TJD kúshimen benzın tógilgen jerge aýa-mehanıkalyq kóbik quıyldy. Qaza bolǵandar men zardap shekkender joq. Polısııa kúshimen jol ýchaskesi ýaqytsha jabyldy. Sısterna TJD jáne «GazOılProm» JShS birlesken kúshterimen kóterildi», dep habarlady Qaraǵandy oblysy TJD baspasóz qyzmeti.
Sondaı-aq bul fakt polısııada tirkelip, tıisti saraptamalar taǵaıyndaldy, olardyń nátıjeleri boıynsha prosessýaldyq sheshim qabyldanady.
