«Jasyl damý» AQ-synyń (burynǵy damý «ROP operatory» JShS) esepshottarynda 200 mıllırd teńgeden astam qarjy qaldy.
«Osy qarajat halyq ıgiligi úshin jumsalýy qajet. Osy aqshadan 100 mıllıard teńgeni otandyq kólikti satyp alýǵa arnalǵan jeńildetilgen avtokredıt baǵdarlamasyna bólinedi», dedi Sklıar «Habar 24» arnasyna bergen suhbatynda.
Vıse-premer baǵdarlama sharttaryn da aıtty.
«Avtokredıttiń jyldyq mólsherlemesi 4 prosent bolady. Al alǵashqy jarna bolmaıdy. Kredıttiń merzimi 7 jyl. Jeńildetilgen avtokredıt qymbat emes kólikterge beriledi. Osylaısha, 71 myń adam jańa kólikti qoljetimdi baǵamen ala alady», dep atap kórsetti Sklıar.
Aıta keteıik, buǵan deıingi avtokredıt baǵdarlamasynyń jyldyq mólsherlemesi 7 paıyz, al merzimi 7 jyl bolǵan. Biraq alǵashqy jarnasy retinde 20 paıyzyn quıý mindetti edi. Sosyn 15 mıllıonǵa deıingi kólikterdi rásimdeýge múmkindik berilgen.
