Bul týraly Qazaqstan musylmandary dinı basqarasynyń baspasóz hatshysy Aǵabek Qonarbaıuly facebook paraqshasynda jazdy
«Kenjebolat Joldybaı aǵamnyń da dám-tuzy taýsylypty. Mundaıda ne jazaryńdy bilmeısiń... Kenje-aǵa, baqul bolyńyz. Osy ómirde jasaǵan izgi isterińiz ózińizge serik bolǵaı. Ol Dinı basqarmanyń ıgi bastamalaryna únemi qoldaý kórsetip, janashyr bolyp júrýshi edi. Alla aldyńnan jarylqasyn, Jaqsy aǵa. Men Sizdi jaqsy kórýshi em... Endi rýhyńyzǵa Quran baǵyshtap, duǵa jasaýdan basqa amalym joq», dep jazdy ol.
Májilis depýtaty Erlan Saıyrov ta qaraly habarmen facebook arqyly bólisti.
«Kenjebolat Joldybaı aǵamyz máńgilik saparǵa attanypty. Tereń, tuńǵıyq, adamgershiligi, rýhanı álemi mol azamat edi. Imandy bolsyn!», dedi Májilis depýtaty.
Kenjebolat Joldybaı 1951 jylǵy 18 jeltoqsanda Qaraǵandy oblysynyń Jezdi kentinde dúnıege kelgen.
Jezqazǵan oblystyq partııa komıtetinde ekonomıkalyq bilim berý jónindegi keńesshi, lektor, saıası uıymdastyrýshy, qoǵamdyq pikirdi zertteýshi tárizdi jumystarmen, Ulytaý aýdany ákiminiń orynbasary retinde ıdeologııa jáne áleýmettik máselelermen aınalysty.
Alǵashqyda Jezqazǵan oblystyq «Bilim» qoǵamy, keıinnen 1993 jyldan Jezqazǵan oblysy jabylǵan mamyr aıynyń 1997 jylyna deıin Halyqaralyq «Qazaq tili» qoǵamynyń Jezqazǵan oblystyq uıymy tóraǵalarynyń orynbasary boldy.
