«Meniń bolashaǵym, ómirim – fýtbol. Álbette, qazir komanda sapynda oınaı almaı júrgenim janyma batady. «Mılannyń» jaǵdaıy jaman emes. Men tezirek ujymǵa qaıta qosylyp, kómekteskim keledi. «Mılan» jeıdesin kıgeli komandanyń jaqsy nátıjelerge qol jetkizýi úshin barymdy salyp kelemin. Bizge tek chempıondyq táj ǵana jetispeıdi. Júlde jeńip alý úshin qoldan kelgenniń bárin jasap júrmiz. Men komandamen qandaı da bir júlde utyp almaıynsha «Mılannan» ketpeımin, kásibı mansabymdy aıaqtamaımyn», deıdi shvesııalyq fýtbolshy.
Zlatan Ibragımovıch osy jyldyń qazan aıynda 41 jasqa tolady. Ol osy maýsymda 15 oıynǵa qatysyp, A serııasynda 8 goldyń avtory atandy. Sondaı-aq áriptesterine eki márte nátıjeli pas shyǵardy.
