«Ákimshilik ister boıynsha sot tájirıbesi memlekettik apparat jumysynyń sapasyn aıqyndaıtyn synaq boldy. Onyń nátıjesi sotqa degen senimniń arta túskenin kórsetti. Ákimshilik ádilet róli nyǵaıyp keledi. Keıbir azamattar sottardyń sheshimine narazylyqtaryn bildirip, óz úmitteri aqtalmaǵandaryn alǵa tartady. Bul buǵan deıin de bolǵan, qazir de kezdesedi. Mundaı shaǵymdardyń kóbi ókpe-renishke nemese birjaqty pikirge qurylady. Biraq qandaı jaǵdaı bolsa da mundaı pikirlerdi tekserip, ádil sheshim qabyldaý kerek. Sondyqtan jańa Konstıtýsııada ákimshilik sot tóreligin sot isin júrgizýdiń derbes nysany retinde bekitýdiń mańyzy zor», dedi Prezıdent.
Memleket basshysy kún tártibinde sotqa shaǵymdanýdyń qasań modelin sot isin júrgizý táýekelderin strategııalyq basqarýǵa aýystyrý qarastyrylyp otyrǵanyn aıtty. Úkimet qazirdiń ózinde tıisti erejelerdi ázirlegen.
«Endi ortalyq jáne jergilikti deńgeıde ákimshilik aktiler men rásimderdiń birizdiligin qamtamasyz etý qajet. Buryn kelip túsken shaǵymdar men ótinishterde qaralǵan máseleler qaıtadan sottaǵy daý-damaı nysanasy bolmaýy kerek. Ákimshilik tájirıbeniń júıeliligi men turaqtylyǵyn qamtamasyz etý qajet. Jarııa quqyqtyq sıpattaǵy daý-damaıdy ákimshilik sot tóreligi deńgeıine berý boıynsha aýqymdy jumys atqarylyp jatyr. Byltyr bul qosymsha quqyqtyq-normatıvtik aktilerdiń zańdylyǵyn qaraıtyn isterdi qamtydy. Buǵan deıin mundaı daý-damaıǵa qatysty sheshim azamattyq is júrgizý normalaryna sáıkes qabyldanyp kelgen», dedi Q.Toqaev.
Qasym-Jomart Toqaev: Memleket pen qoǵam tutastyǵyn nyǵaıtý – aldyńǵy qatardaǵy mindettiń biri
Eske sala keteıik, Memleket basshysy elordada «Ákimshilik ádilet jáne onyń quqyq ústemdigin qamtamasyz etý isindegi róli» atty halyqaralyq forýmyna qatysty.
