Meniń ata-babam Stalın saıasatynyń yzǵarymen Qazaqstanǵa qonys aýdarǵan. Alǵashynda júreksinip, artynan táýekelge bas tigip, otbasymyzben qazaq eline kóship kelgen. Sonaý bir qıyn kezderde el-jurtynan, týǵan jeri men jaqyndarynan kóz jazyp qalǵan cheshenderdi qazaq halqy qushaq jaıa qarsy aldy. Jer aýdarylýdyń alǵashqy jyldarynda jańa ortaǵa beıimdelmegen, ómir súrýge qarajaty bolmaǵan cheshen halqynyń ókilderiniń sany aýrý men ashtyqtan azaıa bastady. Osylaı, bizdiń halqymyzǵa ult retinde joıylyp ketý qateri týdy. Jergilikti halyq bizdi sabyrlyqpen qabyldady, barynsha keńpeıildilik tanytty.
Qazaqtardyń cheshen halqymen sońǵy tilim nanyn bólip berip, jaqsy nıettestigin bildirgeni tarıhta jazylyp qaldy. Mine, sodan beri qazaq pen cheshen dostyǵy myzǵymaı keledi. Budan bólek, qanshama etnos ókilderi Qazaqstannan pana tapty. Tarıhymyz osylaı qalyptasa kele, qazirgi tańda Qazaq eli kóptegen etnos ókilderiniń Otany, súıikti mekeni boldy.
Búginde elimizdi álem tanydy. Munyń barlyǵy – memleketimizdegi yntymaq pen tatýlyqtyń jemisi. Tynyshtyq pen turaqtylyqtyń jyly uıasyna aınalǵan Qazaq elinde ómir súrip jatqanym – men úshin úlken baqyt. Birlik-berekemiz ajyramaı, bir týdyń astynda tatý-tátti ómir súre bereıik!
Adam ELMÝRZAEV,
Dostyq úıi qoǵamdyq kelisim ortalyǵy Cheshen etnomádenı birlestiginiń ókili, qoǵam belsendisi
