Otyrysta Aqparat jáne qoǵamdyq damý mınıstri Asqar Omarov 2021 jyldyń negizgi qorytyndylary men vedomstvonyń 2022 jylǵa arnalǵan mindetteri týraly aıtyp berdi. «Aqparat jáne qoǵamdyq damý mınıstrligi 2021 jyly aýqymdy jumys atqardy. Sonymen birge zaman ózgerisine saı Memleket basshysy men Úkimet mınıstrliktiń basym baǵyttaryn jańa formatta iske asyrýdy tapsyrdy. Mınıstrlik 2021 jyly azamattyq qoǵammen qarym-qatynasqa tyń serpin berdi. Osy oraıda Qazaqstannyń Azamattyq forýmynyń merekelik onynshy jıynyn erekshe atap ótken jón. Is-shara bılik pen qoǵam dıaloginiń mańyzyn taǵy bir márte dáleldedi. Forým barysynda úkimettik emes uıymdar, buqaralyq aqparat quraldary, bıznes jáne jalpy azamattyq sektor ókilderinen myńnan asa usynys pen usynym kelip tústi», dedi mınıstr.
Vedomstvo basshysynyń aıtýynsha, 2021 jyly «Qoǵamdyq keńester týraly» zańǵa túzetýler engizildi. Zań qoǵamdyq keńesterdiń ókilettikterin aıtarlyqtaı kúsheıtti. «Májiliske qoǵam ókilderimen talqylaýdyń barlyq kezeńinen ótken «Qoǵamdyq baqylaý týraly» zań jobasy engizildi. Úkimettik emes uıymdarǵa grant berý erejelerine ózgeris engizdik. Halyqtyń suranysyn eskerip, ony alǵash ret jalpy talqyǵa saldyq», dedi A.Omarov.
2021 jyly «Úkimettik emes uıymdar Akademııasy» jobasy jalǵasyn taýyp, sonyń aıasynda byltyr 800-den asa azamattyq sektor ókili oqytylǵany málim boldy. Jalpy, mınıstrlik Úkimettik emes uıymdarmen birge túrli jobalardy iske asyryp jatyr. Jyl saıyn respýblıka boıynsha áleýmettik mańyzy bar 2 myńǵa jýyq joba qolǵa alynady eken.
A.Omarov óz baıandamasynda 2022 jyly mınıstrliktiń barlyq baǵyty boıynsha jumys aqparat salasyn damytý jáne azamattyq qoǵammen ózara is-qımyl tetikterin jetildirýge baǵyttalatynyn atap ótti. Osylaısha, ol 2021 jyly ótken Qazaqstannyń X Azamattyq forýmynyń qorytyndysy boıynsha ÚEU, BAQ, bıznes jáne jalpy azamattyq sektor ókilderinen 1000-nan asa usynys pen usynymdar kelip túskenin atap ótti. Mınıstrdiń aıtýynsha, qoǵamnan kelip túsetin barlyq syndarly usynys nazardan tys qalmaıdy jáne olar mınıstrlik pen basqa da múddeli memlekettik organdar tarapynan egjeı-tegjeıli zerdelenedi.
Mınıstrlik bıyl azamattyq qoǵamdy damytý tetikterin jetildirýge basymdyq berip otyr. Eń aldymen, úkimettik emes uıymdardy granttyq qarjylandyrý tetikteri jetildiriledi. Tıisti zań jobasy ázirlengen. Qujat úkimettik emes uıymdar men halyqtyń qalaýyna saı keletin ózekti jobalardy ǵana irikteýge múmkindik beredi. Osylaısha, ózekti máseleler naqty sheshilmek.
Ekinshiden, qoǵamdyq keńester jumysynyń sapasyn arttyrý josparlanyp otyr. Osy maqsatta úkimettik emes uıymdar, azamattyq belsendiler, BAQ keńinen tartylmaq. Sóıtip memlekettik organdar men óńirler ákimdikteriniń qoǵamdyq keńesteri quramy jańartylmaq. «Úshinshiden, qaıyrymdylyq pen volonterlikti yntalandyrýǵa jáne damytýǵa ekpin beremiz. Osyǵan baılanysty tıisti zań jobasyn usyndyq. Zań qabyldanǵannan keıin kótermeleý kvotalary kóbeıedi. Osylaısha, jumysqa ornalasqan volonterler sany aıtarlyqtaı artady. Jalpy, bıyl túrli formattaǵy 20 myńnan asa is-shara ótkizýdi josparlap otyrmyz. Tórtinshiden, aýyldyq úkimettik emes uıymdar men azamattyq belsendilerdiń bastamalaryna 50 shaǵyn grant berýdi josparlap otyrmyz. Iаǵnı jergilikti qoǵamdastyqty jumyldyrý, aýyl bastamalaryn damytýda kóshbasshylardy anyqtaý jáne aýyl turǵyndarynyń sıfrly jáne qarjylyq saýattylyǵyn arttyrýǵa baǵyttalǵan shaǵyn granttar konkýrsy uıymdastyrylady», dedi mınıstr.
A.Omarovtyń aıtýynsha, aqparattyq sala – mınıstrlik qyzmetiniń mańyzdy baǵytynyń biri. 2021 jyly mınıstrlik quqyǵy buzylǵan jýrnalısterdiń quqyǵyn qorǵaý reglamentin qabyldady. Qujat qoǵam ókilderimen, buqaralyq aqparat quraldarymen jáne tıisti organdarmen birlesip muqııat talqylanǵan. Mınıstrdiń aıtýynsha, jýrnalısterdi akkredıtteýdiń jańa qaǵıdalary bekitildi. Salamatty ómir saltyn nasıhattaıtyn áleýmettik jarnamalardy otandyq telearnalarda kórsetý qaǵıdalary naqtylandy. Sıfrly teleradıony engizý jobasyn iske asyrý jalǵasty. Búginde 11 óńir sıfrly televızııaǵa tolyq kóshken. El Táýelsizdiginiń 30 jyldyǵyn merekeleý aıasynda 73 medıa joba iske asyryldy.
A.Omarov Prezıdenttiń tapsyrmasyna sáıkes, 2021 jyly otandyq teleserıaldar, derekti tarıhı fılmder óndirisin ulǵaıtýǵa den qoıylǵanyn atap ótti. Telearnalardan Ahmet Baıtursynuly, Qanysh Sátbaev sekildi ult zııalylary týraly serıaldar kórsetilip, kórermen kózaıymyna aınaldy. Áleýmettik mańyzy zor jobalardyń arasynda «Balapan» telearnasy janynan ashylǵan Erekshe bilim berý qajettilikteri bar balalarǵa arnalǵan anımasııa mektebiniń jumysyn aıtýǵa bolady. Bul jobanyń iske asyrylýy bıyl da óz jalǵasyn tabady.
Mınıstr óz sózinde qoǵamdyq sanany jańǵyrtý salasynda alty negizgi baǵyt jatqanyn atady. «Byltyrdan bastap baǵdarlama óskeleń urpaqty, ásirese oqýshylardy jáne mektep jasyna deıingi balalardy tárbıeleýge basymdyq berdik. «Ulttyq tárbıe», Tiji jáne Nickelodeon arnalarynyń balalar kontentin qazaq tiline aýdarý sekildi aýqymdy jobalardy júzege asyryp jatyrmyz. Aıtpaqshy, Tiji jáne Nickelodeon qazaq tilinde jaqynda shyǵady, tusaýkeseri ótedi», dedi vedomstvo basshysy.
Onyń málimeti boıynsha bul baǵyttaǵy basty basymdyq – «Ulttyq rýhanı jańǵyrý» jáne Jol kartasy jobalaryn sapaly iske asyrý. «Bul strategııalyq qujattar Qazaqstandyq biregeılik pen zııatkerlik áleýetti, memlekettik tildi damytýǵa, ulttyń mádenı kodyn saqtaýǵa jáne ilgeriletýge, jastardyń jan-jaqty damýy men ózin-ózi tanytýyna baǵyttalǵan», dedi ol.
Jalpy, bıyl da aldymyzda memlekettiń aqparattyq jumysy sapasyn, otandyq BAQ-tyń básekege qabiletin odan ári damytý mindeti tur. Memleket basshysynyń tapsyrmasyna sáıkes Úkimettiń aqparattyq jumysy deńgeıin aıtarlyqtaı kóterý qajet. Osyǵan baılanysty memlekettik mekemelerdiń jumysyn BAQ arqyly baǵalaý kózdelip otyr. «Bıyl BAQ salasyn damytýdy BAQ jáne ÚEU ókilderimen keńinen talqylamaqpyz. Bul jumys aqparat salasyn damytýdyń 2023-2025 jyldarǵa arnalǵan Ulttyq jospary sheńberinde júrgiziledi. 2022-2023 jyldarǵa arnalǵan oqytý jónindegi arnaıy jospardy iske asyrý josparlanǵan. Bul medıa mamandardyń biliktiligin damytýǵa, halyqtyń medıa jáne aqparattyq saýattylyǵyn qalyptastyrýǵa baǵyttalǵan», dedi A.Omarov.
Sonymen qatar memlekettik telearnalardy jetildirýdiń jańa tásilderi ázirlengeni málim boldy. Máselen, bıyl 24 kz memlekettik telearnasy jańa formatta jumys isteýdi bastap otyr. Bul memlekettiń aqparat saıasatty tıimdi ári sapaly júzege asyrýǵa múmkindik beredi.
Mınıstrlik ókili 2030 jylǵa deıingi otbasylyq jáne genderlik saıasat tujyrymdamasy iske asyrylyp jatqanyn da habarlady. Qazirgi tańda tujyrymdama aıasynda qoǵamdaǵy áıelderdiń quqyqtary men múmkindikterin yntalandyrý jáne ilgeriletý jumystary júrgizilip keledi. «Byltyr 24 jeltoqsanda genderlik teńdikti qamtamasyz etý jáne áıelder quqyǵyn qorǵaý jónindegi is-sharalar jospary bekitilgenin atap ótkim keledi. Qujat BUU Qaýipsizdik Keńesiniń 2022-2025 jyldarǵa arnalǵan birneshe qararyn iske asyrýǵa baǵyttalǵan. О́ńirlerde turmystyq zorlyq-zombylyqqa ushyraǵan áıelder men balalardyń ýaqytsha turýyna jaǵdaı jasalǵan otbasyn qoldaý ortalyqtary jumys isteıdi. Ortalyqtar quqyqtyq, psıhologııalyq, áleýmettik, tuǵyn úı suraqtary boıynsha jan-jaqty keńester beredi. Sondaı-aq 2021 jyly «Mereıli otbasy» konkýrsyn ótkizý erejesine ózgerister engizildi. Elimizdiń 17 óńirinen 17 úlgili otbasy jeńimpaz atandy. Olar týraly rolıkter men sıýjetter BAQ pen áleýmettik jelilerde keńinen taraldy», dedi mınıstr.
Aqparat jáne qoǵamdyq damý vıse-mınıstri Aleksandr Danılov memlekettik jastar saıasatyn iske asyrýdyń jańa tásilderi týraly aıtyp berdi. Ol aýyl jastaryn jáne áleýmettik osal jastardy áleýmettendirý, kásibı baǵdarlaý, jumysqa ornalastyrý boıynsha usynylǵan sharalar týraly málimdedi. «Qazir jastar saıasatyna qyzyǵýshylyq ta, jastar sany da aıtarlyqtaı ósip keledi. Bul bir jaǵynan demografııalyq statıstıka, onyń ishinde Prezıdenttiń jastar sanatyna kiretinderdiń jasyn 35-ke deıin ulǵaıtý jónindegi tapsyrmasyna da baılanysty», dedi vıse-mınıstr A.Danılov.
Vıse-mınıstr jastar saıasatynyń birqatar jańa qaǵıdasy ázirlengenin eske saldy. «Birinshi kezekte, jastardy obekt retinde qarastyrýǵa bolmaıdy. Jastar – memleket úshin eń mańyzdy
sýbekt, mańyzdy resýrs. Jastardy obekt retinde qaraýdy qoıyp, sýbekt retinde sanasý tásiline kóshýge tıispiz. Jastardyń ózi de memleket olarmen qandaı turǵyda jumys isteýi kerektigin aıtyp, suranystaryn jetkize bilýi kerek. Bul óte mańyzdy másele. Ekinshi mańyzdy mindet – ataýly jumys. Jastarǵa birjaqty qarap, jalpylama qarym-qatynas ornatý azdyq etedi. О́ıtkeni ár óńirdegi jastardyń umtylystary ár túrli. Sondyqtan jastar saıasaty ıkemdi, ataýly bolýǵa tıis», dedi vıse-mınıstr.
Sonymen qatar «Qoǵamdyq kelisim» RMM qyzmeti týraly Ǵalymjan Qusmanǵalıdiń óz baıandamasynda etnosaralyq qatynastardy damytý salasynda atqarylyp jatqan jumystar týraly aıtyldy.
Sondaı-aq negizgi spıkerler arasynda azamattyq qoǵam ókilderi Qazaqstan Azamattyq alıansynyń prezıdenti Baný Nurǵazıeva, Qazaqstan Internet qaýymdastyǵynyń prezıdenti Shavkat Sabırov sóz sóıledi. Olar Aqparat jáne qoǵamdyq damý salasyndaǵy ózekti máselelerge toqtalyp, ózderiniń naqty usynystaryn aıtty.
