Qazaqstan • 04 Naýryz, 2022

Aqsaqaldar aqyldasty

148 ret kórsetildi

Qazaqstan musylmandary dinı basqarmasynyń uıymdastyrýymen elordada «Qarııalar – el qazynasy» atty I respýblıkalyq aqsaqaldar forýmy ótti. Forýmǵa QMDB Tóraǵasy, Bas múftı Naýryzbaı qajy Taǵanuly, Aqparat jáne qoǵamdyq damý vıse-mınıstri Serik Egizbaev, Aqsaqaldar keńesiniń músheleri Myrzataı Joldasbekov, О́mirzaq Ozǵanbaev, Murat Jurynov, Jabal Erǵalıev, Shalataı Myrzahmetuly, Marat Toqashbaev syndy qoǵam qaıratkerleri qatysyp, pikirlerin bildirdi.

 

Jıynda qazaq tarıhyndaǵy qarııa­lar­dyń róli jóninde tushymdy oılar aıtylyp, tárbıeniń tiregine balanǵan atalar mektebin qalyptastyrý máselesi sóz bolǵan forýmda halyqty izgilikke sha­qyrǵan úndeýi qabyldandy.

«Qazaq – adamnyń rýhanı bolmysyn joǵary baǵalaı bilgen halyq. Jas býyn ókilderin tárbıeleýde júris-turysynan danalyqtyń kórkem úlgisi esip turatyn dýaly aýyz aqsaqaldarymyzdyń orny erekshe ekeni ámbege aıan. О́mir mek­te­biniń san túrli satysynan ótken, kóp­ti kórgen, kórgenin kókeıge túıgen aqsaqaldardyń keńesi kerek. Keshegi qańtar qasireti kezinde elge toqtaý aıtyp, jalań uranmen kóshege shyqqan jastardy jónge shaqyratyn úlkenniń pátýaly sózi qoǵam úshin aýadaı qajet bolǵany aıqyn sezildi. Men jyl basynda elimizdegi barsha din qyzmetkerlerine baǵdarlyq baıandamamdy joldadym. Baǵdarlyq baıandamada Qazaqstan mu­syl­mandary dinı basqarmasy janynan Aqsaqaldar keńesin qurý týraly bastama kóterdim.

Allaǵa shúkir, ıgi bastamanyń aıasynda Dinı basqarma janynan Aqsa­qal­dar keńesi quryldy. Jýyrda osy keńestiń alǵashqy basqosýyn ótkizdik. Keńeske múshe bolǵan memleket jáne qoǵam qaıratkerleri, zııaly qaýym ókil­deri, ardager ımam-ustazdar parasatty pikirlerin ortaǵa salyp, ortaq kelisimge keldik», dedi forým ashylýyn­da sóz alǵan Bas múftı Naýryzbaı qajy Taǵanuly.

Bas múftı keńes jumystaryna toqtalyp ótip, ysyrap pen sharıǵatymyz talap etpegen is-áreketterdi boldyrmaý maqsatynda ımamdardyń kezekti forý­my­nda «As berý mádenıeti», «Zırat jáne zııarat mádenıeti» qujattary qabyldanǵanyn aıtty.

Jyl basynda QMDB janynan qu­ryl­ǵan Aqsaqaldar keńesine jasy 60-tan asqan jáne el aldynda abyroıly-syıly qarııalar shaqyrylǵan. Forýmǵa da delegat retinde óńirlerden 80-ge jýyq aqsaqal kelgen. «Biz, Alla qalasa, osy jyly respýblıkalyq deń­geı­de «Aq bata» bata berý baıqaýyn ótkizemiz. Tórde otyryp tórelik aıtyp, halyqtyń aýyzbirshiligin saqtap kele jatqan abyz aqsaqaldarymyz, alataýdaı aqylshylarymyz, batagóı qarııalarymyz, Allaǵa shúkir, búgin de bar. Sizderdi osynaý ıgi is-shara­myz­ǵa belsendi túrde qatysýǵa, qazaq hal­qy­nyń bata berý dástúrin jań­ǵyr­tý­ǵa shaqyramyz», dedi Bas múftı.

Naýryzbaı qajynyń aıtýynsha, ata men balanyń arasy alshaqtaı bas­taǵan myna zamanda tárbıeniń tásil­de­rin utymdy qoldanýymyz qajet. Bas múftı smartfon balanyń altyn ýa­q­ytyn urlap jatqanyn, osyndaı máselege úıdiń úlkenderi mán berýge tıis dep esepteıtinin ortaǵa saldy. «Sonymen qosa qazir álemdegi ózekti máselelerdiń biri – túrli dinı aǵymdar. Qazaq halqynyń salt-dástúri árdaıym Islam dinimen sabaqtasyp keledi. Sol qazaqtyń salt-dástúrin nasıhattaýda, dinı jat aǵymdardyń aldyn alýda aqsa­qal­darmen birigip jumys isteımiz degen oıymyz bar», dedi ol.

«Qazirgi el aqsaqaldary, jalpy, qa­zaq aqsaqalynyń tulǵalyq kelbe­ti qandaı?» degen taqyrypta bir­n­e­­she baıandama oqyldy. «Osy fo­rým­nan keıin bata berý úlgileri jó­nin­de aqsa­qal­darmen jıyndar ótki­zip, res­pýb­lıkalyq bata berý saıy­syn ótkizý jos­parda bar. Qazir aqsa­qal­dar­dyń durys bata berýi, pátýaly sóz aıtýy óte qajet bolyp otyr. Búgingi forýmda bar­lyq usynys-pikir jınaqtalyp, ke­lesi forýmdarda naqty qujattar qa­byl­daımyz degen nıetimiz bar», dep túıindedi Bas múftı N.Taǵanuly.

Sońǵy jańalyqtar

Aqtaýda 109 jedel jelisi iske qosyldy

Aımaqtar • Búgin, 09:51

Vaksına saldyrǵandar sany artty

Koronavırýs • Búgin, 09:18

Qazaqstanda 158 adam koronavırýs juqtyrdy

Koronavırýs • Búgin, 09:03

«Aqtóbe» kósh bastady

Fýtbol • Búgin, 08:42

Vaýt van Art birinshi orynda keledi

Sport • Búgin, 08:39

Tórtinshi aınalymǵa shyqty

Tennıs • Búgin, 08:38

Jastar jasyndaı jarqyldady

Sport • Búgin, 08:35

Til máselesi talqylandy

Qazaqstan • Búgin, 08:33

Dıplomatııalyq qyzmettiń 30 belesi

Qazaqstan • Búgin, 08:13

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Uqsas jańalyqtar