Bul ıgi isti oblystyq jastar resýrstyq ortalyǵy uıymdastyrdy. «Qar vahtasy» dep atalǵan aksııa aıasynda eriktiler jalǵyzbasty qart adamdarǵa, múgedekterge, UOS ardagerleriniń úıine baryp, olardyń aýlalaryn qardan tazartýǵa kómektesti.
Qaraǵandy oblysy boıynsha Volonterler front-keńsesiniń basshysy Mádına Tursynbekova atalǵan aksııaǵa oblystyń 16 óńiri qatysqanyn málim etti.
– Búginge deıin 79 is-shara ótkizilip, oǵan 299 erikti atsalysty. Al 1 naýryzda aksııa aıaqtaldy jáne «Qar vahtasyna» qatysqan eń belsendi volonterler marapattaldy, – dep habarlady ol.
Qaraǵandy medısına ýnıversıtetindegi «Samuryq» Stýdenttik respýblıkasynyń qoǵamdyq jumys mınıstri Aıdos Jamalov jastardyń bul aksııaǵa belsene qatysqanyn jetkizdi.
– Mysaly, biz tórt erikti baryp, Hanshaıym esimdi ájeıdiń qar basqan aýlasyn tazaladyq. Jigitter qar kúrese, qyzdar jaǵy úıdiń ishin jınap, tamaq pisirdi, – dedi ol.
Qaraǵandylyq erikti jastar «Qar vahtasy» aksııasyna belsene qatysyp, izgi nıetti ıgi isterdiń bel ortasynda bolǵandaryn oryndy maqtan etedi.
Qaraǵandy oblysy
