Iordanııanyń bas shahary – Ammanda ótip jatqan Sary qurlyq básekesindegi jarystyń birinshi kúninde sharshy alańǵa bes otandasymyz shyǵyp, barlyǵy da qarsylastarynan basym tústi. Atap aıtqanda, 48 kılodaǵy Beksultan Boranbek tájikstandyq Sýfıdjon Sýdjonovty úshinshi raýndta tehnıkalyq nokaýtpen jeńse, Aıdar Qadyrhan taǵy bir tájikstandyq Damır Mýbalıhonovty 5:0 esebimen utty.
Sondaı-aq 63 kılo salmaqta judyryqtasqan Ahmet Úsen jarys qojaıyndarynyń ókili Oýn Alhadıdıge esh múmkindik qaldyrmady – 5:0. Al 70 kıloda synǵa túsken Damır Sıneev tájikstandyq Mırzobahtııarhon Ataevty birinshi raýndta-aq nokaýtqa túsirdi. Madııar Beksultanov (80 kılo) ta Irak boksshysy Mehdı Raad Havı Ál-Saedti aıqyn basymdyqpen (5:0) jeńdi.
Ammanda ótip jatqan Azııa birinshiligi 14 naýryzda aıaqtalady.
