Halyqtyń tabysyn 2025 jylǵa deıin arttyrý jónindegi sharalar kesheni tórt baǵytty qamtıdy:
- Halyqtyń eńbek tabysyn arttyrý;
- Aýqymdy jumyspen qamtýdy damytý jolymen halyqtyń tabysyn arttyrý;
- Kiristerdiń satyp alý qabiletin qorǵaý;
- Kásiptik baǵdar berý jáne aqparattyq-túsindirý jumystaryn júrgizý.
Birinshi baǵyt boıynsha jaldamaly jumyskerlerdiń eńbek kiristeriniń ósýin, eńbek ónimdiligin arttyrý jáne óndiristik daǵdylardy damytý jónindegi sharalar iske asyrylatyn bolady.
Ekinshi baǵyt boıynsha AО́K, óńdeý ónerkásibin, shaǵyn jáne orta bıznesti damytýdy yntalandyrý jolymen, onyń ishinde halyqtyń daǵdylary men biliktiligin arttyrýdy jáne jastardy qoldaýǵa basa nazar aýdarýdy eskere otyryp, jańa jumys oryndary qurylady.
Úshinshi baǵyt boıynsha baǵany turaqtandyrý jáne tómendetý, ishki naryqty molyqtyrý jáne halyqtyń shyǵyndaryn qysqartý boıynsha sharalar iske asyrylmaq.
Tórtinshi baǵyt boıynsha kásiptik baǵdar berý jumysyn júrgizý jáne azamattardyń áleýmettik jaýapkershiligin arttyrý jónindegi jumys kúsheıtiletin bolady.
UEM atap ótkendeı, halyq tabysynyń aǵymdaǵy jaǵdaıy teris úrdiske ıe. Osylaısha, nomınaldy kiristerdiń turaqty oń dınamıkasyna qaramastan, 2010 jylǵy 39,2 myń teńgeden 2021 jyly 128,4 myń teńgege deıin (qańtar-qarasha), halyqtyń naqty kiristeriniń ósý qarqyny tómendeýde (2019 jyly 6,4%, 2020 jyly 4,3%, 2021 jyldyń 11 aıynda 3,1%).
Bul ekonomıkalyq ósýdiń baıaýlaýymen (2020 jyly -2,5%, 2021 jyldyń 9 aıynda 3,6%) jáne 2022 jyly saqtalatyn joǵary ınflıasııalyq qysymmen (2020 jyly 7,5%, 2021 jyly 8,4%) baılanysty.
О́ńirler arasynda JО́О́ boıynsha alshaqtyq saqtalyp otyr. Mysaly, eger JО́О́ deńgeıi boıynsha 2010 jyly Almaty qalasy Soltústik Qazaqstan oblysynan 8,7 ese kóp bolsa, 2020 jyly alshaqtyq 10 ese mólsherde boldy.
Jan basyna shaqqandaǵy JО́О́ boıynsha óńirlik teńsizdiktegi alshaqtyq odan da mańyzdy. Máselen, Atyraý oblysynda bul kórsetkish 2020 jyly Túrkistan oblysy boıynsha kórsetkishten 17 ese kóp boldy.
Budan basqa, tabysy eń tómengi kúnkóris deńgeıinen tómen halyq úlesiniń ósýi baıqalady (2017 jylǵy 2,6% - dan 2020 jyly 5,3% - ǵa deıin).
Qujat 18 naýryzǵa deıin jarııa talqylaý úshin Ashyq NQA saıtynda ornalastyrylǵan.
