Oǵan múddeli memlekettik organdardyń jáne jergilikti ákimdikterdiń jaýapty ókilderi qatysty. Jınalysta QR Bilim jáne ǵylym mınıstriniń birinshi orynbasary Sholpan Karınova memlekettik tildi damytý reformasynyń iske asyrylý barysyn baıandady. 2021 jyly «Ulttyq rýhanı jańǵyrý» ulttyq jobasy aıasynda pýblısıstıkalyq mátinderdiń 2 mln birligine taldaý jasalyp, arnaıy saıt – qazcorpora.kz saıtyna ornalastyryldy. 2022 jyldan bastap jyl saıyn sózqoldanys sanyn 10 mln arttyryp, 2025 jyly Qazaq tiliniń ulttyq korpýsyndaǵy sózqoldanystar sanyn 40 mln jetkizý josparlanyp otyr.
Baqylaý júrgizý týraly Bilim jáne ǵylym mınıstriniń 2021 jylǵy 3 jeltoqsandaǵy №580 buıryǵymen 41 (memlekettik organ) tekserý obektisi bekitildi, onyń ishinde: 21 ortalyq atqarýshy jáne 20 jergilikti atqarýshy organ. Sondaı-aq 2021 jyly 180 mekemeniń resmı saıtyna monıtorıng júrgizildi. Osy monıtorıngtiń qorytyndysy boıynsha 197 eskertý hattary joldanyp, 89 mekeme túzetýler engizdi.
Vıse-Premer E. Toǵjanov sońǵy jyldary memlekettik til máselesin kóterip júrgen azamattar men bastamashyl toptar qatary artyp kele jatqanyn atap ótti. Bul baǵyttaǵy máselelerdi sheshý úshin E. Toǵjanov tıisti memlekettik organdarǵa naqty tapsyrmalar berdi.
Atap aıtqanda, jańa ári kópshilikke qyzyqty kontentti qalyptastyrý úshin sapaly aýdarmashy mamandar pýlyn qalyptastyrýdy júktedi. Tildi úıretýge kómektesetin, qolaıly qosymshalardy damytýdyń mańyzdylyǵyn eskere otyryp, aǵylshyn tilin úıretýge arnalǵan qosymshalardy jan-jaqty zerdeleýdi tapsyrdy.
Vıse-Premer E. Toǵjanov kınolardyń qazaq tilindegi aýdarmalaryn synǵa alyp, qazaqsha mýltfılmderdiń de sapasyn arttyrý qajettigin aıtty.
Memleket basshysynyń 2021 jylǵy Qazaqstan halqyna Joldaýynda aıtylǵan tapsyrmany iske asyrý úshin E. Toǵjanov Jańa Qazaqstandyq mádenıetti qalyptastyrý jónindegi sharalar jospary aıasynda qazaq tilindegi tolyqmetrajdy 2 mýltfılm, 10 mýltserıal, 10 balalar tele-baǵdarlamasyn, 20 balalar ádebıeti shyǵarmasyn, 30 sapaly aýdarma ázirleý boıynsha usynystardy pysyqtap engizýdi tapsyrdy. Sonymen qatar balalar ádebıetin damytý aıasynda qazaq tilinde jeńil tilmen jazylǵan shyǵarmalardyń barlyq balalar úshin qoljetimdi bolýyn jáne mundaı shyǵarmalardy balalar arasynda keńinen jarnamalaýdyń mańyzdylyǵyn jetkizdi.
Memlekettik qyzmet isteri agenttigine memlekettik organdarda jáne ulttyq kompanııalarda memlekettik tildiń qoldanys aıasyn keńeıtý jónindegi usynystardy, keńesterdiń qazaq tilinde ótýi, qujattardyń memlekettik tilde daıyndalýy boıynsha krıterıılerdi engizý júkteldi.
Búgingi kúni «Halyqaralyq «Qazaq tili qoǵamy» qoǵamdyq birlestiginiń 15 oblystyq, 27 aýdandyq fılıaly, 1663 bastaýysh uıymdary bar. Memleketik tildi damytý aıasynda óńirlerde qazaq tili qoǵamynyń jańa fılıaldaryn qaıta qurý qajettiligi atap ótildi
