KHDR men Reseı arasyndaǵy saýda-sattyq rýblmen júrgiziledi

KHDR men Reseı arasyndaǵy saýda-sattyq endi rýblmen júrgiziledi. Bul týraly Utro.ru habarlady. Mundaı sheshim Reseı men Soltústik Koreıa úkimetaralyq komıssııasy jumysynyń qorytyndysy boıynsha qabyldandy. «Taraptar ózara saýda-sattyq kólemin 2020 jylǵa deıin 1 mlrd. dollarǵa kóterýdi josparlap otyr», – deıdi Qıyr Shyǵysty damytý jónindegi mınıstrlik basshysy Aleksandr Glýshka. Mınıstrdiń paıymdaýynsha, Koreı túbegindegi turaqtylyq eki el qarym-qatynasynyń damýyna septigin tıgizedi. Máskeý men Phenıan Soltústik Koreıa temirjolyn Transsibirmen jalǵastyrýdy kózdep otyr. Osylaısha olar KHDR taý-ken ónerkásibin jańǵyrtyp, ózge de jobalar boıynsha áriptestik  ornatpaqshy. Soltústik Koreıa qazir qarjylyq daǵdarysqa tap boldy. Tipti, KHDR-diń burynǵy basshysy Kım Ir Senniń eldegi baılyqty saýdaǵa salmaý jónindegi nusqaýyna qaramastan, qazirgi bılik Qytaıǵa altyn satýǵa májbúr bolyp otyr. Osy jaǵdaıdy eskerip, Máskeý Soltústik Koreıanyń keńestik júıeden beresili 336 mlrd. rýbl kólemindegi qaryzyn tóleýden bosatty. Aıdar О́risbaev. Derekkóz: Utro.ru. Foto: Mail.ru.