Prezıdent keńsesiniń málimdeýinshe, mundaı sheshimdi Mýn Seýlden ońtústik-shyǵysqa qaraı 330 shaqyrym jerde ornalasqan Ýljın qalasyndaǵy ýaqytsha baspanada turyp jatqan adamdarmen kezdeskennen keıin qabyldaǵan.
О́rt ótken juma kúni bastalǵan. Tilsiz jaýdy aýyzdyqtaýǵa 44 tikushaq pen 4000 adam jumyldyrylǵan.
«Úkimettiń turǵyndardy qoldaýynyń eń jyldam joly - arnaıy apat aımaǵyn jarııalaý jáne qalpyna keltirý jumystaryna qatysý», - dedi Mýn zardap shekkenderge.
О́rt saldarynan evakýasııalanǵan 7400-ge jýyq adamnyń 1000-y óńirdegi qoǵamdyq nysandar men mektepterde ornatylǵan ýaqytsha baspanalarǵa ornalastyryldy.
Orman sharýashylyǵy jáne órtke qarsy qyzmet organdarynyń málimetine qaraǵanda, jalyn qatty jel men qurǵaq aýa-raıy saldarynan týyndaǵan.
Tańǵy saǵat 11-degi jaǵdaı boıynsha Ýljın men oǵan kórshiles Samcheok qalasynda shamamen 14 222 gektar orman otqa oranǵan.
«Qazirgi ýaqytta eń bastysy - órtti sóndirý», - dedi orman sharýashylyǵy basqarmasynyń ókili. «О́rt tolyǵymen sóndirilgen boıda mamandardyń jetekshiligimen tolyqqandy tergeý jumystaryn bastaımyz».
Shyǵys jaǵalaýdaǵy Gangneýng qalasynyń soty bir kún buryn Seýlden shyǵysqa qaraı 240 shaqyrym jerde ornalasqan qalany jáne onyń kórshiles aýdandaryn órtep jiberdi degen kúdikpen 60 jastaǵy er adamdy qamaýǵa alý týraly sheshim shyǵardy.
Búgingi kúnge deıin alapat jalyn 1850 gektar orman men ondaǵan ǵımaratty sharpyǵan. О́rt sóndirýshiler ázirge ony aýyzdyqtaı almaı otyr.
