Quqyq qorǵaý salasynda qyz-kelinshekterdiń eńbek etýi tańsyq emes. Dese de, kóbi olardy balalar men jasóspirimderge qatysty usaq tártip buzýshylyqtardy retteýmen aınalysady dep oılaıdy. Biraq bul durys paıym emes. Máselen, Ekibastuz qalalyq polısııa basqarmasy tergeý bólimi bastyǵynyń orynbasary, polısııa maıory, er adamdarǵa tán erjúrektilik, batyldyq sııaqty qasıetterdi boıyna jıǵan Mánshúk Dısýpova kánigi, qandyqol qylmyskerlermen betpe-bet otyryp, olardy tergeıdi.
– Bala kezden adamdarǵa jaqsylyq jasaǵandy unatatyn edim. Quqyq qorǵaý salasynda qyzmet etýdi tańdaýym da sodan shyǵar. Áli kúnge deıin qylmysty ashqanym úshin aıtylatyn alǵystardan rahat alamyn. Odan saıyn jigerlene túsemin. Keıbir qylmystar bir táýliktiń ishinde ashylady, keıde uzaq ýaqytqa sozylyp ketedi. Ár isti sońyna deıin jetkizbeı baıyz tappaımyn. Jubaıym da quqyq qorǵaý salasynda jumys isteıdi. Úıde júrgende jeke bastyń máseleleri jaıyna qalady. Ekeýmiz qylmysty ashý joldaryn talqylap júremiz. Muny mamandyǵymyzǵa degen adaldyqtyń kórinisi me dep oılaımyn keıde. Jalpy, sońǵy ýaqytta Ekibastuz qalasyndaǵy krımınogendik ahýal turaqty. Qylmystardyń azaıýyna beınebaqylaý kameralarynyń kóptep ornatylýy, shahar kóshelerinde patrýldik sharalardyń kúsheıtilýi oń áser etýde. Al qylmystyń jedel ashylýyna sıfrlandyrý jobalarynyń kómegi zor. Qazir burynǵydaı qaǵazdarmen bas qatyrmaımyz, ár is bazaǵa túsip, ony bir ýaqytta polısııa, prokýratýra jáne sot mamandary kóre alady. Sońǵy jyldary memleket tarapynan quqyq qorǵaý salasyna erekshe kóńil bólinýde. Mindetimizdi minsiz atqarý – paryzymyz! – deıdi Mánshúk.
Tergeýshilerdiń logıkalyq oılaý qabiletiniń joǵary bolýy qylmystyń jedel ashylýyna áser etetini sózsiz. Mánshúk bul saladaǵy alǵashqy «azyǵyn» Reseı IIM Omby akademııasynda 5 jyl bilim alǵan ýaqytta jınaı bastapty. Akademııa qabyrǵasynda kóbine praktıkalyq bilimge basymdyq berilip, qylmysty ashý joldarynyń qyr-syry úıretilgen. Sol azyq áli kúnge deıin kádege jarap, tájirıbesi tolysqan Mánshúk búginde bar bilgenin izin basqan jastarǵa úıretýde.
– Sońǵy ýaqytta bireýdiń atyna nesıe resimdeý sııaqty ınternet alaıaqtyq beleń alyp barady. Jýyqta Ekibastuz qalasyna qarasty bir kentte turatyn kelinshektiń jaǵymsyz áreketi áshkere boldy. Ol áleýmettik jelilerde paraqsha ashyp, onda sulý ári baı qyzdyń keıpine enip, er adamdarmen «mahabbat dastanyn» qurǵan. Keıin senimge kirip, olarǵa nesıe alyp berýin ótinip, aqshany alǵannan keıin habarsyz ketken. Osy sııaqty oqıǵalar kóp. Biz Ulttyq bank basshylyǵyna shaǵyn qarjy uıymdarynyń jumysyn retteý kerek ekenin talaı jazdyq. Sebebi alaıaqtar bir ǵana jeke kýálik arqyly tanymaıtyn adamnyń atyna birneshe nesıe resimdep, turǵyndardy tyǵyryqqa tireýde. Qylmystardyń barlyǵy jedel ashylady deý qıyn. Keıbir jaǵdaıda shekaranyń ar jaǵyndaǵy alaıaqtarǵa tap bolamyz. Ne desek te, ınternet alaıaqtyqty azaıtýdyń joldaryn qarastyrý qajet. Qylmysty ashýdan buryn aldyn alý sharalaryn qolǵa alǵan abzal, – deıdi keıipkerimiz.
Mánshúkti oblystaǵy áriptesteri mergen retinde tanıdy. Jyl saıyn tártip saqshylary arasynda uıymdastyrylatyn pıstoletpen nysanany kózdeý jarysynda tergeýshi arý bas júldeni bermeı keledi. О́zge de marapattary jeterlik. «Basty marapat – halyqtyń alǵysy», deıdi ol. Alǵysqa bólene ber, qazaqtyń batyr qyzy Mánshúktiń izbasary!
Pavlodar oblysy
