Alqaly jıynnyń saltanatty ashylýyna Halyqaralyq Túrki akademııasynyń prezıdenti Darhan Qydyráli, Túrki memleketteri uıymynyń tuńǵysh Bas hatshysy Halıl Akyndjy, Ázerbaıjan Respýblıkasynyń alǵashqy Premer-mınıstri Gasan Gasanov, Túrki memleketteri uıymy Aqsaqaldar keńesiniń Qazaqstan tarapynan ókili Ikram Adyrbekov, Ázerbaıjan Ulttyq ǵylym akademııasynyń birinshi vıse-prezıdenti Isa Gabıbeıli, sonymen qatar elshiler, dıplomattar, depýtattar, ǵalymdar men sarapshylar qatysty.
Onlaın formatta ótken basqosýda baýyrlas memleketter táýelsizdiginiń jáne týys elder ıntegrsııasynyń 30 jyldyǵyna arnalǵan «Túrki dúnıesi - 30» atty jınaqtyń tanystyrylymy ótti. Kitaptyń lentasyn TMU Aqsaqaldar keńesiniń múshesi Ikram Adyrbekov pen Túrki akademııa basshysy Darhan Qydyráli kesti.
Atalǵan kitapta túbi bir túrki elderi men halyqtary yntymaqtastyǵynyń 30 jyldyq belesinde eleýli eńbek etken kórnekti memleket jáne qoǵam qaıratkerleri, halyqaralyq uıym basshylary men elshileri, sarapshylary men ǵalymdarynyń estelikteri jáne paıymdy pikirleri jınaqtalǵan. Jınaqtaǵy maqalalarǵa baýyrlas elderdiń ıntegrasııalyq úderisteri, sonyń ishinde ǵylymı-gýmanıtarlyq yntymaqtastyqtyń qaıta jańǵyrýy, qarqyndy damýy arqaý bolǵan.
Onlaın rásimde ótken konferensııanyń plenarlyq otyrysyna Túrkııa Ǵylym akademııasynyń akademıgi Ahmed Adjar, Qyrǵyz-Túrik Manas Ýnıversıtetiniń rektory Alpaslan Djeılan, Ázerbaıjan Respýblıkasy Mıllı Medjlısi Mádenıet komıtetiniń tóraıymy Ganıra Pashaeva, Qyrǵyz Respýblıkasynyń Jokorký Keneshiniń eks-depýtat Qanıbek Imanalıev, Ázerbaıjan Respýblıkasy Mıllı Medjlısi depýtaty, Eýropalyq Odaq-Ázerbaıjan parlamenttik yntymaqtastyq komıssııasynyń teń tóraǵasy Djıvanshır Feızıev, Ázerbaıjan Respýblıkasy Mıllı Medjlısi depýtaty, Ekonomıkalyq jáne áleýmettik damý ortalyǵynyń (CESD) tóraǵasy Výgar Baıramov, О́zbekstan Respýblıkasy Prezıdenti janyndaǵy Strategııalyq jáne óńiraralyq zertteýler ınstıtýty dırektorynyń orynbasary Sanvar Valıev, Eýrazııalyq ekonomıkalyq baılanystar qaýymdastyǵynyń tóraǵasy Hıkmet Eren, «Qoǵamdyq pikir» ınstıtýtynyń joba jetekshisi Botagóz Raqysheva, О́zbekstan Ǵylym akademııasy Ulttyq arheologııa ortalyǵynyń vıse-prezıdenti Gaıbýlla Babaıarov, sonymen qatar tanymal ǵalymdar qatysyp, baıandamalar jasady.
Plenarlyq otyrysqa Halyqaralyq Túrki akademııasynyń vıse-prezıdenti Fızýlı Madjıdlı moderatorlyq etti.
