Úsh bala tárbıelep otyrǵan qandasymyz osy kezge deıin KSRO-nyń qyzyl pasportymen júrgen. Sol sebepten, balalarymen birge tegin medısınalyq kómekke júgine almaǵan. Jeke basyn kýálandyratyn qujaty bolmaǵandyqtan, turaqty jumys istemeıdi.
– Qurmanǵazy aýdandyq polısııa bóliminiń kóshi-qon qyzmetkerlerine júginip, Qazaqstan azamattyǵyn alýǵa ótinish bergen edim. Polısııa kapıtany Aıdana Amangeldıeva ótinishimdi jaýapsyz qaldyrmaı, Reseı Federasııasynyń Astrahan qalasyndaǵy elshilikke suraý salýǵa bardy. Qazaqstan Respýblıkasynyń azamattyǵyn alýdyń jeńildetilgen tártibin túsindirip, qujattarymdy rettep berdi. Eldiń azamaty atanǵannan artyq qýanysh bola ma? Endi elimizdiń órkendeýine úlesimdi qosýdy maqsat etip otyrmyn. Kóshi-qon qyzmetiniń qyzmetkerlerine qoldaý kórsetkeni úshin alǵys aıtamyn, – deıdi Nadııa Nabıqyzy.
Atyraý oblysy
