Qazaqstan Respýblıkasynyń elshiliginiń málimeti boıynsha 2-dárejeli «Dostyq» ordenimen jáne «Shapaǵat» medalimen Máskeý jáne Máskeý oblysy aýrýhanalarynyń anestezıolog-reanımatologtary, ınfeksıonıstteri, pýlmonologtary, epıdemıologtary, barlyǵy 28 adam marapattaldy. «2020 jyldyń jazynda Qazaqstanda indettiń sharyqtaý sheginde olardyń der kezinde kómek kórsetýi epıdemıologııalyq jaǵdaıdy turaqtandyrýǵa úlken úles qosty», - delingen dıplomatııalyq ókildik saıtynda. Dárigerler aldynda sóz sóılegen Qazaqstan Respýblıkasynyń Reseı Federasııasyndaǵy Elshisi Ermek Kósherbaev olardyń eń qajetti ári mańyzdy mamandyqtyń ókili ekenin atap ótti.
