О́tken aptada áleýmettik mańyzy bar azyq-túlik taýarlarynyń baǵasy 0,2% - ǵa ósti. Onyń ishinde qyryqqabat 1,6%-ǵa, qant 0,6%-ǵa jáne kartop 0,5%-ǵa qymbattaǵan. О́ńirler arasynda bir apta ishinde baǵanyń eń joǵary ósýi Mańǵystaý oblysynda tirkeldi, onda baǵa 0,8%-ǵa, Qostanaı jáne Qyzylorda oblystarynda 0,4%-ǵa kóterilgeni baıqaldy.
Premer-Mınıstrdiń orynbasary atalǵan óńirlerdegi ákimdikterdiń jumysyn synǵa alyp, azyq-túliktiń árbir ataýy boıynsha baǵany baqylaýdy kúsheıtýdi tapsyrdy. Sondaı-aq, saýda sýbektileriniń ruqsat etilgen saýda ústemesin saqtaýyn baqylaý boıynsha turaqty negizde jumys júrgizýdi tapsyrdy.
