«Almatykitap baspasy» taǵy bir tyń jobany kópshilikke tanystyrdyrdy

Al TopIQ.kz elektrondy kitaptary digital  ustazdar men oqýshylary arasynda keńinen tanymal. «Tiri oqýlyqtardy» qoldaný mektep oqýshylaryna qolaıly bolý úshin, «Almatykitap baspasy» elimizde alǵash ret úsh baspanyń 86 elektrondy kitabyn bir platformaǵa jınaqtady.

Bul joba «Sıfrly Qazaqstan» baǵdarlamasy sheńberinde baspanyń qarajat esebinen atqaryldy. TopIQ.kz tuǵyrnamasyn 2020–2022 oqý jyldary elimizdiń óńirlerinde aprobasııalaý sátti ótkizildi. Osy kezeń ishinde 2 mln asa qoldanýshy tuǵyrnamany qoldanǵan.

«Bizdiń tuǵyrnamamyz ózine memlekettik bilim baǵdarlamasy aıasyndaǵy biregeı ınteraktıvti jáne mýltımedııaly materıaldardy kiriktiredi. Elektrondy kitaptar tek synyp qabyrǵasynda ǵana emes, oqýshymen jekeshe nemese toptyq túrde jumys jasaýǵa múmkindik beredi. Elektrondy kitapty qoldaný ıkemdi: ekskýrsııada, jolda, sporttyq jıyndarda oqýshyǵa yńǵaıly jáne jeńil. Sonymen qatar, TopIQ.kz tuǵyrnamasyn kez kelgen ýaqytta, kez kelgen qurylǵyda, qolaıly qarqynda  qoldanýǵa bolady, deıdi «Almatykitap baspasynyń» basshysy Eleonora Batalova.

Kitaptyń ártúrli úlgileri men materıaldardyń alýandyǵyna oraı, «Almatykitap baspasynyń» elektrondy kitaptaryn saraptaý maqsatynda tuǵyrnamada eki jylyn ótkergen ustazdardyń kópshiligi oqýshylardyń sabaq úlgerimderinde ilgerileý bar ekenin baıqap, jańa býyn úshin bul asa mańyzdy ekendigi alǵa tartyp otyr.

Tuǵyrnamanyń tusaýkeser rásimin «Digital Ustaz Almaty 2021» baıqaýynyń jeńimpazy, tarıh pániniń muǵalimi Saǵynǵalı Qalıev atqardy.

«Qazirgi ustazdyń mindeti – oqýshylardyń mıdy ashytatyn, tym kóp ári túsiniksizdeý, asa qajetsiz derekterdi qabyldaýǵa májbúrleý emes, jańa bilimdi taldaý jáne taba bilý. Bul jańa tásil sıfrly pedagogıkamen tyǵyz baılanysta. Sıfrly pedagogıka degenimiz – 40 mınýt boıy zoom arqyly sóılep turǵan bas pen tapsyrmalardy whatsApp arqyly jiberý emes. Sıfrly pedagogıka – bul ınteraktıvti oqytý, ıaǵnı oqýshynyń sabaq boıy únsiz otyryp tyńdaýy emes, kerisinshe ustazben, synyptastarmen, sandyq kitappen, sandyq tehnologııalarmen ózara baılanysta bolýy. Qazirgi tańda «Almatykitap» baspasy men onyń Pearson Education, Cambridge, Oxford University Press áriptesteri osy áspen aınalysyp otyr», dedi tusaýkeserde barysyndy optıkalyq golografııa qoldanǵan Saǵynǵalı Qalıev.

Sonymen sońǵy kúnderi sıfrly pedagogıkamen sabaqtaryn ótkizetin «Digital Ustaz Almaty 2021» fınalısteri ári qaraı úırený úshin kúni «Almatykitap» Kitaptar Úıine jınaldy. Olar tehnologııalardy jaqyndatyp, oqýshylarǵa ynta berý úshin bilimdik taqyryptarǵa qushtarlyǵyn tanytyp, «Teachers Lab» tuǵyrnamasymen tanysty. Zamanýı ustazdar oqytý balalarǵa qyzyqty ári paıdaly bolý úshin ári qaraı jańa servısterdi meńgeredi. Endigi jerde «Tehnologııalardy jaqyndatyp, oqýshylarǵa ynta berý!»  urany aldaǵy ýaqytta Almatynyń árbir mektebinde aıtylady. О́ıtkeni Almaty qalasynyń ákimdigi men «EdCrunch Academy» zamanaýı bilim berýdi damytý ınstıtýty uıymdastyrǵan «Digital Ustaz Almaty 2022» baıqaýy jaqyn kúnderde bastalady.