Qujatqa sáıkes, «jasyl» jáne «sary» aımaqtardaǵy epıdemıologııalyq jaǵdaıdy baǵalaý matrısasyna sáıkes óńirlerde, menshiktiń barlyq nysandary men vedomstvolyq baǵynystaǵy bilim berý uıymdarynda kelesi talaptardyń kúshi joıylsyn:
1) áleýmettik qashyqtyqty mindetti túrde saqtaýǵa;
2) kúndelikti «kirý» súzgisine (baılanyssyz termometrmen termometrııa).
Ashyq mobıldi qosymshasyn paıdalaný, áleýmettik qashyqtyqty saqtaý jáne termometrııany júrgizý bilim berý uıymdary ákimshiliginiń sheshimi boıynsha erikti túrde júzege asyrylýy múmkin.
Sondaı-aq epıdemıologııalyq jaǵdaıdy baǵalaý matrısasyna sáıkes óńirdiń «qyzyl» aımaqqa ótýi kezinde menshiktiń barlyq nysandary men vedomstvolyq tıesililiktiń bilim berý uıymdarynda Ashyq qosymshasyn mindetti paıdalaný, áleýmettik qashyqtyqty saqtaý jáne kúndelikti «kirý» súzgisin (baılanyssyz termometrmen termometrııa) júrgizý qamtamasyz etiledi.
