Memleket basshysyna mınıstrlikke qarasty uıymdarǵa jumys sapary týraly baıandaldy. Sapar qorytyndysy boıynsha kún tártibinde turǵan máselelerdi sheshý sharalary daıarlanǵan.
Dáýren Abaev Qasym-Jomart Toqaevtyń sport seksııalary men shyǵarmashylyq úıirmelerdi jan basyna qaraı qarjylandyrý, buqaralyq sportty qarqyndy damytý jóninde bergen tapsyrmalaryn oryndaý vedomstvo jumysyndaǵy negizgi baǵyttyń biri ekenin aıtty.
Prezıdenttiń aıtýynsha, bıyl mınıstrlik jergilikti atqarýshy organdarmen birlese otyryp, Qazaqstan Respýblıkasy memlekettik rámizderiniń 30 jyldyǵyn tıisti deńgeıde atap ótýi qajet.
Memleket basshysy ulttyq sport rezerviniń iri halyqaralyq jarystarǵa, sonyń ishinde 2024 jyly Parıjde ótetin Olımpıada oıyndaryna daıyndyǵyn kúsheıtýdi tapsyrdy.
Prezıdent jastar úshin ulttyq mádenıettiń básekege qabilettiligi men tartymdylyǵyn arttyrý qajet ekenin erekshe atap ótti.
Qasym-Jomart Toqaev karantındik shekteýlerdiń elimizde jáne shet memleketterde jeńildetilýine baılanysty týrızm salasyn damytýdyń tyń joldaryn ázirleý mańyzdy dep esepteıdi.
