Buǵan deıin Abel Sanches Gennadıı Golovkındi «О́zin boksshy retinde kórsetýge tyrysyp baǵýda. Ol shyn máninde joıqyn kúshiniń arqasynda qarsylastarynan aılasyn asyryp júr» degen syńaıda syn aıtqan bolatyn.
«Men buryn ózim qoldanǵan «meksıkalyq stılden» tolyqqandy bas tarttym dep oılamaımyn. Bálkim óz stılime birneshe ózgerister men túzetýler engizgen shyǵarmyn. Álbette, o basta ózim daǵdylanǵan, úırengen dúnıelerden bas tartqan emespin. Rasynda Djonatan Benkspen birlese jumys istep, jańa tásilderdi jetildirdik. Olardyń birqataryn Kamıl Sheremetaǵa qarsy ótken shaıqasta tekserip kórdim. Maqsatymyz jekpe-jekti barynsha qyzyqty ótkizýge baǵyttaldy. Qazirgi kezde tájirıbemdi tolystyryp, jan-jaqty boksshy bolǵanyma senimdimin. Ýaqyt ótken saıyn boksshy retinde ósip jatqanymdy sezemin», dedi qazaqstandyq boksshy.
