«Jer qoınaýyn paıdalaný quqyǵyn alýǵa múddeli barlyq tulǵalar aýksıon ótkizýge arnalǵan ótinishti «Aqparattyq-esepteý ortalyǵy» AQ elektrondyq aýksıondar operatorynyń saıtynda bere alady (www.gosreestr.kz). QR Energetıka mınıstrligimen kelisilgen QR Indýstrııa jáne ınfraqurylymdyq damý mınıstrliginiń 2022 jylǵy 7 aqpandaǵy buıryǵymen Memlekettik jer qoınaýy qoryn basqarý baǵdarlamasy bekitildi, oǵan aýksıon negizinde jer qoınaýyn paıdalaný quqyǵyn berý úshin 60 jer qoınaýy ýchaskesi engizildi», delingen Energetıka mınıstrliginiń málimetinde.
Aýksıondy ótkizýge arnalǵan ótinishter qaralǵannan keıin, QR Energetıka mınıstrliginiń resmı ınternet-resýrsynda kómirsýtekter boıynsha Jer qoınaýyn paıdalaný quqyǵyn berýge arnalǵan elektrondyq aýksıon ótkizý týraly habarlama jarııalanady.
«Habarlamada sizder kelesi aqparatpen tanysa alasyzdar: geografııalyq koordınattar, qol qoıylatyn bonýstyń bastapqy mólsheri, barlaý kezeńinde jer qoınaýy ýchaskesindegi jumystardyń kólemi men túrleri boıynsha eń tómengi talaptar jáne olardyń baǵalaý quny týraly, sondaı-aq aýksıonǵa qatysýǵa ótinishter berý merzimderi, aýksıondy ótkizý kúni men ýaqyty. Aýksıonǵa qatysýǵa arnalǵan ótinishter Energetıka mınıstrliginiń saıtynda habarlama jarııalanǵan kúnnen bastap 2 aı ishinde qabyldanady (Kodekstiń 95-babynyń 4-tarmaǵy). Aýksıondy ótkizý kúni habarlamada kórsetiledi», dep naqtylady vedomstvo.
