Brıfıng barysynda mınıstrge Reseı gazyn Soltsútik pen Shyǵysqa tartý jobasy týraly saýal qoıyldy.
«Soltústik pen Shyǵysty gazdandyrýdyń eki joly bar. Birinshisi – Reseıden gaz tartý. Ekinshisi – tómennen keletin «Saryarqa» gaz qubyryn jalǵastyryp áketý. Reseıden gaz tartý arzanyraq bolatyn shyǵar. Irkilissiz jetkizý turǵysynan senimdirek te bolady. О́ıtkeni Reseı Federasııasynda gaz qory óte mol. Bizge qajet gazdyń mólsheri olar úshin eleýsiz deýge bolady. Jylyna 4-7 mlrd tekshe metr gaz degen olarǵa buıym da emes. О́zimizdiń gazdy tartý qymbat dep otyrǵanym, eldiń jarty aýmaǵyna salalanǵan magıstral ornatý kerek bolady. Ol magıstraldiń boıynda gaz tutynatyn halyqtyń sany da shekteýli. Mysaly, Qostanaıdan Petropavlǵa, Pavlodardan О́skemenge qubyr tartsaq, árqaısysyna jeke torap salý kerek. Bir qubyrmen másele sheshile salmaıdy», dedi vedomstvo basshysy.
Bolat Aqsholaqov eldegi gaz qory ózimizge jetpeıtindeı zaman kele jatqanyn aıtady.
«Onyń ústine qazirdiń ózinde bizde gaz tutyný kólemi úlken. Gazdandyrylǵan óńirlerdiń ózinde suranys joǵary. О́nerkásip pen elektr energetıkasynyń kásiporyndary jáne bar. Osynyń bári 2024 jylǵa qaraı bizde gaz eksporty bolmaıtyndaı jaǵdaıǵa ákeletin shyǵar. О́ıtkeni bar gazdy óz ishimizde tutynatyn bolamyz. Iаǵnı, qosymsha gaz qajet bolady. Ony ne Reseı Federasııasynan, ne Túrkimenstan sııaqty ońtústiktegi kórshilerimizden ákelý kerek bolady. Túrkimenstan eldiń soltústiginen alys jatqandyqtan Reseı tıimdi. Sondyqtan Soltústik pen Shyǵysty gazdandyrýdyń alǵashqy kezeńin Reseı gazynyń esebinen tyndyrsaq, onda turǵan qorqynyshty eshteńe joq sııaqty. Keıin sol mólsherdegi gaz qory tabylyp jasta, ári qaraı oılastyramyz», dedi mınıstr.
Sondaı-aq ol Reseımen gaz almasý tájirıbesi burynnan bar ekenin eske saldy.
«Biz Reseımen swap tásili arqyly onsyz da gaz almasyp otyrmyz. Ońtústikke birneshe jyldan beri osy tásilmen gaz jetkizip kelemiz. Eshqandaı táýekel bolǵan joq. Sondyqtan teorııalyq turǵyda yqtımal dúnıeniń bárine alańdaı berý durys emes dep oılaımyn», dedi Bolat Aqsholaqov.
