«Markmore Energy (Labuan) Limited» kompanııasynyń tóraǵasy jáne bas aksıoneri Tan Srı Halım Saad Mańǵystaý oblysyndaǵy iri ken oryndarynyń biriniń aýmaǵyndaǵy kásiporyndy damytý josparlary týraly aıtty. Jobaǵa jalpy ınvestısııa kólemi 485 mıllıon AQSh dollaryn qurasa, onyń 285 mıllıonǵa jýyǵy gaz óńdeý zaýytynyń qurylysyna qarastyrylǵan.
Kezdesý barysynda «KAZAKH INVEST» UK» AQ Basqarma Tóraǵasynyń orynbasary Jandos Temirǵalı halyqaralyq arenada bolyp jatqan úderisterdi eskere otyryp, Qazaqstan ınvestorlar úshin joǵary tartymdylyqty saqtaýdy jalǵastyryp jatqanyn atap ótti. Sonymen qatar, ol Qazaqstandaǵy basym baǵyttardyń biri bolyp tabylatyn munaı-hımııa salasyndaǵy jobalardy júzege asyrýdyń joǵary mańyzdylyǵyn atap ótti. Conymen qatar, jobany odan ári jan-jaqty qoldaý kórsetýge daıyn ekenin rastady.
Malaızııalyq ınvestorlardyń sapary aıasynda Mańǵystaý oblysynyń ákimi N.A.Noǵaevpen, salalyq mınıstrlikterdiń, sondaı-aq «Samuryq-Qazyna» Ulttyq ál-aýqat qorynyń basshylyǵymen birqatar kezdesýler uıymdastyryldy.
