Atalǵan nysan taǵdyryna qatysty qujat atalǵan mınıstrliktiń resmı saıtynda jarııalandy.
«Kórsetilgen buıryqpen bekitilgen respýblıkalyq mańyzy bar tarıh jáne mádenıet eskertkishteriniń memlekettik tiziminde 31-tarmaq alynyp tastalsyn», delingen mınıstrliktiń qujatynda.
«Respýblıkalyq mańyzy bar tarıh jáne mádenıet eskertkishteriniń memlekettik tizimin bekitý týraly» Qazaqstan Respýblıkasynyń Mádenıet jáne sport mınıstriniń 2020 jylǵy 14 sáýirdegi № 88 buıryǵyna ózgeris engizý týraly BUIYRAMYN:
1. «Respýblıkalyq mańyzy bar tarıh jáne mádenıet eskertkishteriniń tizimin bekitý týraly» Qazaqstan Respýblıkasy Mádenıet jáne sport mınıstriniń 2020 jylǵy 14 sáýirdegi № 88 buıryǵyna (Normatıvtik quqyqtyq aktilerdi memlekettik tirkeý tiziliminde № 20397 bolyp tirkelgen) mynadaı ózgeris engizilsin.
2. Qazaqstan Respýblıkasy Mádenıet jáne sport mınıstrliginiń Mádenıet komıteti zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq qoldanysqa engizilgennen keıin úsh jumys kúni ishinde ony Qazaqstan Respýblıkasy Mádenıet jáne sport mınıstrliginiń ınternet-resýrsynda ornalastyrýdy;
3) osy tarmaqta kózdelgen is-sharalar oryndalǵannan keıin úsh jumys kúni ishinde is-sharalardyń oryndalýy týraly málimetterdi Qazaqstan Respýblıkasy Mádenıet jáne sport mınıstrliginiń Zań qyzmeti departamentine usynýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Mádenıet jáne sport vıse-mınıstrine júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Eske salsaq, buǵan deıin Almatydaǵy Prezıdent rezıdensııasy súrilip, ornyna saıabaq salynatyny habarlandy.
