Tóreshi ysqyryǵy estile sala eki eldiń jastar quramasy alańda belsendi bolǵanymen, esepti alǵashqy bolyp shotlandııalyq fýtbolshylar ashty. Oıynnyń 25-mınýtta utymdy sátterdiń birinde Ros Graham mergendik tanytyp, komandasyn alǵa shyǵardy. Ekinshi kezeńde shotlandııalyq taǵy bir oıynshy Tom Kleıton óz quramasynyń basymdyǵyn arttyra tústi, esep – 2:0.
Al 71-mınýtta Erkebulan Seıdahmet penaltıden esep aıyrmasyn qysqartsa, 95-mınýtta Abylaıhan Jumabek tarazy basyn teńestirdi. Osylaısha, Qazaqstan jastary Shotlandııamen 2:2 esebimen teń túsip, irikteý kezeńindegi alǵashqy upaıyna qol jetkizdi.
Aıta ketsek, irikteý týrnırinde Qazaqstan jastar quramasy I tobynda Belgııa, Danııa, Shotlandııa jáne Túrkııamen synǵa túsýde. Ázirge alty oıynnan keıin bir ǵana upaıǵa ıe boldy.
Týrnır kestesinde kósh sońynda turǵan elimizdiń jastar quramasy 4 sáýirde syrt alańda Danııamen sheberlik baıqassa, 10 maýsymda taǵy da syrt alańda Túrkııamen kezdesedi.
Eske salsaq, budan buryn Qazaqstan jastary Qyrǵyzstan olımpıadalyq quramasynan 2:0 esebimen basym túsken edi.
