Aımaqtar • 30 Naýryz, 2022

Jaqsygeldiniń baıany

56 ret kórsetildi

Jezqazǵan tarıhı-arheo­logııalyq murajaıy asa qundy jádigerlermen tolyqty. Mem­leket jáne qoǵam qaırat­keri Mádı Artyǵalıev pen Qa­zaqstannyń qurmetti jýrnalısi Álı Toıjigit kezinde belgili ánshi, kompozıtor Jaqsygeldi Seıi­lov paıdalanǵan jeke zattardy murajaı qoryna tabys etti.

Naqty aıtqanda, óner tarlanynyń baıany men dıplomaty aldaǵy ýaqytta mýzeıge kelýshi qaýymnyń nazaryna usynylatyn bolady.

«О́z esimińdi tarıhta qaldyr!» aksııasy aıasynda ótken is-shara barysynda Jezqazǵan tarıhı-arheologııalyq murajaıynyń aǵa ǵylymı qyzmetkeri Erkebulan Kamalıev bolashaqta Jaq­sygeldi Seıilovke arnalǵan ekspozısııa ashý josparda bar ekenin habarlady.

Eske salar bolsaq, Jaqsygeldi Seıilov zaǵıptyǵyna qaramastan, óner ólkesinde ózindik qoltańbasyn qaldyrǵan qaıratker tulǵa. Bir basynda birneshe óner toǵysqan mýzyka maestrosynyń repertýarynda 50-ge tarta shyǵarma bolǵan. Onyń ishinde «Ana týraly ballada», «Ulytaý», «Áke týraly oı», «Kezdesý», «Nege solaı», «Súıinshi» sııaqty ánderi tyńdarman qaýymnan joǵary baǵa alǵan. Sonymen qatar kompozıtordyń Jezqazǵan qalasynyń ánuranyna aınalǵan «Jezqazǵan marshy» kompozısııasyn da aıta ketýge bolady.

Al mýzeı qoryna tapsyrylǵan baıan jeke qolda shırek ǵasyr saqtalyp kelse, óner ıesi ustaǵan dıplomat-portfel 42 jyl boıy sandyq túbinde jatypty.

 

Qaraǵandy oblysy,

Jezqazǵan qalasy

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar