Nur-Sultanda «Qaıyrymdy ister» marafony aıasynda qasıetti Ramazan aıynda 1,5 myńnan astam áleýmettik az qamtylǵan otbasy azyq-túlik sebetin alady. Qaıyrymdylyq is-sharasyn qala ákimdigi men demeýshiler birlesip uıymdastyrdy.
Azyq-túlik sebetterin taratýǵa QMDB ókilderi, eriktiler men janashyr azamattar úlken kómek kórsetti. Sebetter Áziret Sultan meshitinde jınaqtalyp, elordanyń 4 aýdanyndaǵy muqtaj otbasylarǵa jetkizildi.
«Búgin qasıetti Ramazan aıynda 1,5 myń azyq-túlik sebetin taratýdy bastadyq. Azyq-túlik jıyntyqtaryn jaǵdaıy tómen otbasylar alady, olardyń arasynda erekshe qajettiligi bar balalardy tárbıelep otyrǵan otbasylar, tolyq emes otbasylar, múgedek jandar, zeınetkerler, jetim balalar, kópbalaly analar bar. Azyq-túlik jıyntyqtarynda maı, un, kúrish, jarma, qaraqumyq, qant, shaı, tomat pastasy sııaqty qajetti azyq-túlikter bar. Bir azyq-túlik sebetiniń salmaǵy – shamamen 20-25 kılogramm», dedi «Astana jastary» jastar resýrstyq ortalyǵynyń volonteri Damır Aıtymov.
