Nurqan Sádýaqasov 1971 jyly Aqmola oblysynda dúnıege kelgen.
Qaraǵandy memlekettik medısına akademııasyn, Qazaq ınnovasııalyq gýmanıtarlyq-zań ýnıversıtetin támamdaǵan. Eńbek jolyn 1997 jyly Atbasar qalasynda Atbasar aýdandyq SES sanıtarlyq bóliminiń meńgerýshisi bolyp bastady. 1
1999-2000 jyldary Atbasar aýdandyq SES bas dárigeri. 2000 jyly Aqmola oblysynyń SES bas dárigeriniń sanıtarlyq máseleler jónindegi orynbasary qyzmetine kiristi.
2001-2009 jyldary Kóliktegi Aqmola aýmaqtyq memlekettik sanıtarlyq-epıdemıologııalyq qadaǵalaý ortalyǵynyń bas memlekettik sanıtarlyq dárigeriniń orynbasary qyzmetin atqardy.
2009-2014 jyldary DSM Memlekettik sanıtarlyq-epıdemıologııalyq qadaǵalaý komıteti basqarmasynyń basshysy, tóraǵasynyń orynbasary, bas memlekettik sanıtarlyq dáriger.
2014-2017 jyldary UEM Tutynýshylardyń quqyqtaryn qorǵaý komıtetiniń tehnıkalyq reglamentter talaptary men sanıtarııalyq sharalardyń saqtalýyn baqylaý basqarmasynyń basshysy.
2017-2019 jyldary DSM Qoǵamdyq densaýlyq saqtaý departamentiniń basshysy, Qoǵamdyq densaýlyq saqtaý komıteti tóraǵasynyń orynbasary bolyp jumys istedi.
2019-2020 jyldary DSM Taýarlar men kórsetiletin qyzmetterdiń sapasy men qaýipsizdigin baqylaý komıteti tóraǵasynyń orynbasary.
2020 jyldan bastap qazirge deıin DSM Sanıtarlyq-epıdemıologııalyq baqylaý komıteti tóraǵasynyń orynbasary.
