Osy jyldyń basynda Qazaqstan Respýblıkasy Premer-Mınıstriniń birinshi orynbasary Roman Sklıar Memleket basshysynyń kirme joldardy retke keltirý jónindegi tapsyrmasy aıasynda kirme joldar salasynda qyzmet kórsetetin tabıǵı monopolııalar sýbektileriniń qyzmetine tekserý júrgizýdi, qyzmetter qunynyń negizdiligin taldaýdy jáne tarıfterdi tómendetý boıynsha sharalar qabyldaýdy tapsyrdy.
Birinshi kezeńde bıyl 1 aqpannan bastap kirme joldardy usyný qyzmetterin júzege asyratyn 21 sýbektige («KSO» AQ, «Arman Kala Limited» JShS jáne basqalary) tarıfter ortasha 80%-ǵa tómendedi.
Bul rette, Úkimet Básekelestikti qorǵaý jáne damytý agenttigimen birlesip, qyzmet kórsetý kezinde óz jaǵdaıyn teris paıdalanatyn josyqsyz sýbektilerdi anyqtaý boıynsha jumysty jalǵastyrdy.
Búgingi tańda elimizdiń barlyq óńirlerinde kirme joldar qyzmetin kórsetetin 120-dan astam sýbektige tarıfter tómendetildi.
Osylaısha, qabyldanatyn sharalar tasymaldanatyn taýarlardyń (júkterdiń) túpkilikti qunyna oń áser etedi jáne kásipkerlerdiń atalǵan qyzmetterdi tóleý shyǵystaryn aıtarlyqtaı tómendetedi.
