Saýda jáne ıntegrasııa mınıstrliginiń Saýda komıtetiniń tóraǵasy Erjan Qazanbaev ótken aptada áleýmettik mańyzy bar azyq-túlik taýarlary baǵasynyń ósimi 0,9%-dy quraǵanyn aıtty.
Sonymen qatar «aınalym shemasyn» qarjylandyrýdy ulǵaıtý jumysy óńirlerde tómen deńgeıde júrip jatqany atap ótildi: josparlanǵan 100 mlrd teńgeniń 58,3 mlrd teńgesi ǵana bólindi.
QR aýyl sharýashylyǵy mınıstri Erbol Qarashókeev eldegi áleýmettik mańyzy bar azyq-túlik qory shamamen 643,5 myń tonnany quraıtynyn habarlady. Qant zaýyttary ónimin esepke almaǵanda, shamamen 30 myń tonna qant qory bar. Bul rette el ishinde úzdiksiz óndiris qamtamasyz etildi jáne Úndistannan qosymsha qant kólemin jetkizýge kelisimshart jasaldy.
Ákimdikterdiń derekterine sáıkes, respýblıka boıynsha kartop qory 199 myń tonnany, qyryqqabat – 17,2 myń tonnany, sábiz – 43,1 myń tonnany, pııaz – 23,1 myń tonnany quraıdy.
Esepterdi tyńdaǵan Álıhan Smaıylov bir apta ishinde azyq-túliktiń negizsiz qymbattaýyna jol bergen óńirler ákimderi bul máselege jetkilikti baqylaý jasaı almaı otyrǵanyn atap kórsetti.
«Mańǵystaý oblysynda pııaz 39,2%-ǵa, sıyr eti 5,5%-ǵa qymbattaǵan. О́tken jyly biz Jambyl oblysynyń fermerlerimen óńirge pııaz jetkizý boıynsha ýaqytyly kelisimshart jasaý qajettigi týraly birneshe ret aıtqan edik. Atalǵan jumys oryndalmady, sol sebepti azyq-túlik baǵasynyń ósýine jol berilip otyr. «Aınalym shemasyna» 3,6 mlrd teńgelik jospar kezinde 1,1 mlrd teńge bólindi. Bólingen qarajattan kásipkerlerge 177 mln teńge ǵana baǵyttaldy», dedi ol.
Úkimet basshysy sońǵy eki jylda Soltústik Qazaqstan oblysynda sút-taýar fermalaryn salýǵa aıtarlyqtaı qarajat bólingenin atap ótti. Bul oraıda óńirde sút ónimderi, aıran, súzbe men sary maı tıisinshe 14,3%-ǵa, 9,5%-ǵa jáne 5,3%-ǵa qymbattady.
«Azyq-túlik baǵasyn ustap turý – birinshi kezektegi mańyzdy másele. Men birneshe ret «aınalym shemasyn» qarjylandyrýdy arttyrýdy tapsyrǵan edim. Alaıda búginde jumys tıisti deńgeıde oryndalǵan joq. Osy aıdyń sońyna deıin qarjylandyrýdy 100 mlrd teńgege deıin arttyrýdy tapsyramyn. Aldaǵy agrarlyq maýsym qarsańynda óńirlerdiń birinshi kezektegi mindeti kúzgi aýyl sharýashylyǵy ónimderin jetkizýge forvardtyq sharttar jasasý bolýy tıis. Eger qazir múmkindikti jiberip alsaq, maýsymaralyq ýaqytta biz baǵanyń ósýine taǵy da tap bolamyz», dedi Á. Smaıylov.
QR Premer-Mınıstri Aýyl sharýashylyǵy mınıstrligine ákimdiktermen birlesip, turaqty negizde óndiris pen tutyný teńgerimin ózekti etip otyrýdy, óńirler arasynda aýyl sharýashylyǵy ónimderin olardyń qajettilikterin eskere otyryp jedel tártippen jetkizýdi tapsyrdy.
Sondaı-aq Aýyl sharýashylyǵy mınıstrligine ákimdiktermen birlesip, kókónis ónimderiniń tapshylyǵy men qajettiligin eskere otyryp, egiletin daqyldardy ártaraptandyrý boıynsha sharalar qabyldaý qajet. Saýda ústemesin baqylaýǵa erekshe nazar aýdarý kerek.
Keńestiń ekinshi máselesi arnaıy ekonomıkalyq aımaqtar qyzmetiniń tıimdiligin arttyrý sharalaryn qabyldaý boldy.
О́z sózinde QR IIDM basshysy Qaıyrbek О́skenbaev keıbir óńirlerde AEA aýmaǵyn keńeıtý, ońtaılandyrý sharalaryn júrgizý, bastalǵan ınfraqurylymnyń qurylysyn aıaqtaý, beıindi emes qyzmet túrlerin qysqartý josparlanǵanyn habarlady.
«Indýstrııa jáne ınfraqurylymdyq damý mınıstrligine múddeli memlekettik organdarmen birlesip, bıylǵy 25 sáýirge deıin Úkimetke AEA damytý jónindegi ózektendirilgen Jol kartasyn engizýdi tapsyramyn», dep qorytty Á. Smaıylov.
