Alǵashqy sapar Batys Qazaqstan oblysynan bastaldy. Munda iri munaı-gaz kondensaty ken oryndarynyń biri – Qarashyǵanaq ornalasqan. Osy ken ornynan óndiriletin gaz qazaqstandyq resýrstyń basym bóligin quraıdy jáne eldiń batysynda gaz tasymaldaý ınfraqurylymynyń iri obektileri jumys isteıdi.
Oblys ákimi Ǵalı Esqalıevpen kezdesýde óńirdiń tranzıttik áleýetin damytý jáne taýarlyq gazdyń resýrstyq bazasyn arttyrý máseleleri talqylandy.
Qarashyǵanaq ken ornynan ishki naryq úshin taýarlyq gaz kólemin ulǵaıtý, sondaı-aq ilespe gazdyń qosymsha kólemin qaıta óńdeý salasyndaǵy yntymaqtastyq máseleleri «Qarashyǵanaq Petroleým Opereıtıng B.V.» kompanııasynyń basshylyǵymen kezdesýde jan-jaqty sóz boldy.
Sanjar Jarkeshovtiń Chınarevskoe munaı-gaz kondensat ken ornyn ıgerip jatqan «Jaıyqmunaı» jaýapkershiligi shekteýli seriktestigi basshylyǵymen kezdesýinde de osy máseleler kóterildi. Sondaı-aq áńgime óńir men eldiń tutynýshylary úshin taýarlyq gaz óndirisiniń kólemin ulǵaıtý máselelerindegi yntymaqtastyq perspektıvalary týraly boldy.
– Qazaqstanda gaz tutyný kólemi jyldan-jylǵa ósip otyr. Alaıda, gaz óndirý qarqyny bul ósimge sáıkes kelmeıdi. «QazaqGaz» Ulttyq kompanııasynyń aldyna Memleket basshysy tarapynan qoıylǵan negizgi basym mindet – gazdyń resýrstyq bazasyn ulǵaıtý. Sondyqtan da kezdesýler barysynda Oral óńiriniń tutynýshylaryna jáne ishki naryqqa qajet taýarlyq gazdyń kólemin, gaz óńdeý kólemin artyrý boıynsha áriptestik máseleleri talqylandy, – deıdi «QazaqGaz» Ulttyq kompanııasynyń basshysy.
Sapar barysynda Sanjar Jarkeshov «Intergaz Ortalyq Azııa» AQ-nyń «Oral» kompressorlyq stansasy (KS) men «Oral» 1-avtomatty gaz tasymaldaý stansasyna (1-AGTS) bardy. 11 gaz aıdaý agregaty bar «Oral» KS jylyna 9 mlrd tekshe metrden astam tabıǵı gazdy tasymaldaýdy júzege asyrady. Qýaty 170 tekshe metr/saǵ AGTS-1 Oral qalasy men oǵan jaqyn eldi mekenderdiń turǵyndary men kásiporyndaryn gazben turaqty jabdyqtaýdy qamtamasyz etedi. Ulttyq kompanııa basshysy óndiris obektilerine baryp, Batys Qazaqstan oblysynyń magıstraldyq gaz tasymaldaý júıesiniń obektileri men jabdyqtaryn rekonstrýksııalaý jáne jańǵyrtý jónindegi jumys josparymen tanysty. Osy óńir aýmaǵy arqyly ótetin «Soıýz», «Orynbor – Novopskov», «Orta Azııa – Ortalyq» magıstraldyq gaz qubyrlary arqyly tabıǵı gaz tasymaldaýdy «Oral» magıstraldyq gaz qubyrlary basqarmasy júzege asyrady. Stansa jumyskerlerimen óndiris, materıaldyq-tehnıkalyq qamtamasyz etý jáne áleýmettik-eńbek qatynastaryna baılanysty máseleler talqylandy.
Sanjar Jarkeshov Oral gaztýrbınalyq stansasyna (OGTES) da bardy. Kásiporyn paıdalanatyn gazdy «QazaqGaz» jylyna 170 mln tekshe metr kóleminde jetkizedi. Stansa oblysqa qajetti elektr energııasynyń besten bir bóligin óndiredi jáne Oral qalasynyń jańa shaǵyn turǵyn aýdandaryn jylýmen qamtamasyz etedi.
«QazaqGaz» basshysynyń sapary «Intergaz Ortalyq Azııa» AQ-nyń «Injenerlik-tehnıkalyq ortalyǵyna» barýmen aıaqtaldy. Beıindi mamandar jumys isteıtin ortalyq qazirgi zamanǵy jabdyqtarmen jabdyqtalǵan jáne gaz ındýstrııasy úshin dıagnostıkalyq qyzmetterdiń keń spektrin oryndaı alady.
